2011 оны 11 дүгээр сарын 11-нд “Эрдэс баялгийн салбарын тогтвортой хөгжил, тулгамдсан асуудал” сэдэвт эрдэм шинжилгээ – үйлдвэрлэлийн бага хурал Шинжлэх Ухаан Технологийн Их Сургуулийн Шинжлэх Ухаан Технологийн төвийн 207 тоот хурлын танхимд боллоо. Хурлын үйл ажиллагааг нээж ШУТИС – ийн Экологи-тогтвортой хөгжлийн төвийн захирал, академич П.Очирбат, Эрдэм шинжилгээ, технологийн проректор проф. Б.Очирбат үг хэлж, амжилт хүсэв.
Уг хуралд Эрдэс баялаг, эрчим хүчний яам (ЭБЭХЯ), Байгаль орчин, аялал жуулчлалын яам (БОАЖЯ); Хууль зүй, дотоод хэргийн яам (ХЗДХЯ); Ашигт малтмалын газар (АМГ); Үндэсний хөгжил, шинэтгэлийн хороо (ҮХШХ) зэрэг Засгийн газрын байгууллагуудаас гадна Монголын уул уурхайн үндэсний ассоциаци (МУУҮА), Монголын үйлдвэрчний эвлэлийн хороо (МҮЭ), Тогтвортой хөгжлийн төлөөх хариуцлагатай уул уурхайн санаачлага (ТХХУУС) зэрэг олон нийтийн байгууллагууд, уул уурхайн чиглэлээр үйл ажиллагаа явуулж байгаа компаниудын 60 орчим төлөөлөгч оролцлоо. Тус хуралд уур амьсгалын өөрчлөлтөөс шалтгаалж, байгалийн нэн хурдтай өөрчлөгдөж буй нөхцөлд эрдэс баялгийн цогцолборын тогтвортой хөгжлийн талаарх ойлголтыг төлөвшүүлэх, тулгамдаж буй асуудлыг тодруулах, хөгжлийн гарцыг тодорхойлоход чухал ач холбогдол бүхий 12 илтгэл хэлэлцэгдсэн нь төлөөлөгчдийн анхаарлыг татаж, талархалыг хүлээсэн үйл явдал болов.
Хуралд хэлэлцэгдсэн асуудал, түүнээс гарсан үр дүнг нэгтгэн цаашид тус салбарын бодлогод оруулах санал, зөвлөмж боловсруулахаар шийдвэрлэв.
ЭКОЛОГИ-ТОГТВОРТОЙ ХӨГЖЛИЙН ТӨВ
“Газрын тос боловсруулах үйлдвэрийн тооцоо, загварчлалд Aspen Plus программ ашиглах нь” сэдэвт сургалт амжилттай зохион байгуулагдлаа
ШУТИС-ийн Геологи, уул уурхайн сургуулийн багш, ажилтнууд олон улсын хамтарсан сургалтад хамрагдлаа
“Ice Scholars 2025” аялалтай тэтгэлэгт хөтөлбөрт оюутнууд амжилттай оролцлоо
ШУТИС-ийн Оюутны физикийн XXXVI олимпиад амжилттай зохион байгуулагдлаа
Баянзүрх хайрхан-2026 явган аялал уулын оргил булаацалдах тэмцээн амжилттай зохион байгуулагдав
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
