Мэргэжлийн их, дээд сургуулиудын уламжлалт “Электроникийн улсын олимпиад” 2011 оны 10-р сарын 29-30 өдрүүдэд ШУТИС, Эрчим хүчний инженерийн сургууль дээр зохион байгуулагдаж дүнгээ гаргалаа. Энэ жилийн “Электроникийн улсын XIII олимпиад”-д 11 их, дээд сургуулийн 15 баг оролцсон бөгөөд http://www.pes.edu.mn/olympiad/ сайтаар дамжуулан бодлогын сан бүрдүүлж, сугалааны журмаар тэмцээний даалгаврыг сонгосон явдал нь онцлогтой болж нийт багийн оюутнуудыг жигд оролцох, онолын болон практик мэдлэгээ солилцох, эрдэм шинжилгээний ажлаар хийж гүйцэтгэсэн бүтээлээ танилцуулах боломжийг олгосон 2 өдрийн бүтээлч олимпиад байлаа.
Олимпиадын хүрээнд эрдэм шинжилгээний бүтээл, бодлого бодолт, практик дадлагын ур чадвараараа өрсөлдсөнөөс
Хувийн дүнгээр:
МУИС-МТС-ийн багийн оюутан О. Золжаргал тэргүүн байр, ШУТИС-ФЭС-ийн Д. Болд дэд байр, ШУТИС-МХТС-ийн Б. Мөнхжин гуравдугаар байрыг
Багийн дүнгээр:
ШУТИС МХТС-ийн баг тэргүүн байр, МУИС-МТС-ийн 1-р баг дэд байр, ШУТИС-КТМС-ийн 2-р баг гуравдугаар байрыг
Эрдэм шинжилгээний хуралд:
ШУТИС-КТМС-ийн Б. Мягмарсүрэн, Б. Рагчаа нар тэргүүн байр,
ШУТИС-МХТС-ийн З. Мөнхсайхан, Д. Түвшинжаргал нар дэд байрыг тус тус эзэлж мөнгөн шагнал болон ивээн тэтгэгч байгууллагуудын шагналуудыг гардан авлаа.
Электроникийн улсын XIII олимпиадыг "М-Си-Эс электроникс" ХХК, "Эрчим Сүлжээ" ХХК, "Интер Сайнс" ХХК компаниуд ивээн тэтгэж, өөрсдийн нэрэмжит шагналаа гардууллаа.
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
