ШИНЖЛЭХ УХААН, ТЕХНОЛОГИЙН ИХ СУРГУУЛЬ

Олон улсын онол практикийн бага хурал амжилттай явагдаж өндөрлөлөө

“Бие даасан хөгжил -XXI зуун” сэдэвт Олон улсын онол практикийн бага хурлыг 2011 оны 09-р сарын 30-ны өдөр Дархан-Уул аймаг дахь Технологийн сургууль дээр тус сургуулийн Байгалийн ухааны тэнхим зохион байгуулав.

Хурлын хэлэлцүүлгээр БНАСАУ-ын эрдэмтэд даяаршилын эрин үед өөрийн орныхоо онцлогийг Монгол орны өвөрмөц онцлогтой харьцуулан авч үзсэний зэрэгцээ аливаа улс үндэстэн бүрд даяаршилалд бага хамрагддаг хүчин зүйлүүд байдаг талаар ярилцсан нь онцлог зүйл болов.

Оюутан өөрийн хувь заяагаа өөрөө шийдэх, оюутан бүр өөрөө бүтээх чадвартай, ухамсартай байж чадваас бүтээн байгуулалтын эзэн болно. Иймд их дээд сургуулиуд оюутнуудаа тэнгэр шиг үзэх ёстой гэсэн агуулагын дор илтгэлүүд тавигдлаа.

Хуралд оролцсон төлөөлөгчид сургуульд өөрийн орныхоо онцлогийг харуулсан ном, бэлэг дурсгалын зүйлийг гардуулж, ижил төстэй сургуулиудтай хамтран ажиллаж болох тухай ярилцав.

Хуралд гадаадын

Пак Чан Юл /док.проф/ нийгмийн эрдэмтэнүүдийн нийгэмлэгийн тамгын газрын дарга
Ким Сок И / БНАСАУ-ын элчин сайдын зөвлөх/
О Мин Ү /док.проф/
Цой Жон Э /док /
Ри Ен Ок /док /

Дотоодын

Улсын үндэсний аюулгүй байдлын дэргэдэх Стратегийн хүрээлэнгийн ажилтан Б.Доржсүрэн, С.Энхбат, Т.Сайнбилэг нар
Дархан сум ЗДТГазрын боловсрол соёлын асуудал хариуцсан мэргэжилтэн Эрдэнэбилэг
ДаТС-ийн багш нар гэсэн төлөөлөгчид оролцлоо.