ШУТИС, Тайваний Үндэсний Нэгдсэн их сургуулийн олон жилийн хамтын ажиллагааны үр дүнд өнөөдөр нэгэн баярт үйл явдал болж байна. 2011 оны 3 дугаар сарын 16-нд ШУТИС-ийн ректор, Тайваны ҮНИС-ийн ерөнхийлөгч нарын үзэглэсэн гэрээний дагуу 2011-2012 оны хичээлийн жилээс ШУТИС-ийн Үйлдвэрлэлийн технологи дизайны сургууль дээр Бизнесийн удирдлагын магистрын хамтарсан /МВА/ хөтөлбөр хэрэгжихээр болж, албан ёсны нээлтийг энэ өдөр хийж байна.
Нээлтийн ажиллагаанд ЭШТ-ийн проректор Б.Очирбат, ГХХАГ-ын дарга Ц.Сарантуяа, МДА-ны дарга Т.Энхцацрал, ТНС-ийн захирал Ч.Гульнар, МИС-ийн захирал Б.Эрдэнэбат, ҮТДС-ийн захирал Т.Амаржаргалан, Технологийн менежментийн тэргүүлэх профессор С.Төгс, зөвлөх профессор Б.Даваасүрэн нар болон ҮТДС-ийн профессорууд, багш нар, МВА хөтөлбөрт элсэгчид зэрэг 60-аад хүмүүс оролцлоо. Проректор Б.Очирбат хэлсэн үгэндээ энэхүү хөтөлбөрийн онцлог, давуу тал, боломжийг дурьдсанаас гадна элсэгчдэд амжилт хүсэж, баяр хүргэлээ. Элсэгчдийг төлөөлж магистр оюутан Азжаргал амжилттай сурахаа амлаж үг хэлсэн юм.
Энэхүү хөтөлбөрт суралцахаар 22 хүн хүсэлт ирүүлсэнээс 19 оюутан өнөөдөр шаардлага хангаж суралцахаар болж байна. МВА-ийн хөтөлбөрт хамрагдсанаар 2 жилийн дотор ШУТИС, Тайваны ҮНИС-ийн дипломтойгоор бизнесийн удирдлагын магистр болон төгсөх юм.
Энэхүү сургалттай холбогдолтой мэдээлэл авахыг хүсвэл ҮТДС-ийн Технологийн менежментийн профессорын багт хандаж болно.
ЗХШҮГ
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
