2010 оны 9 дүгээр сард Кувейтийн Шейх Нассер Сабах Аль-Ахмад Аль-Сабахыг манай улс болон ШУТИС-д оруулсан хувь нэмрийг нь үнэлэн Эрдмийн зөвлөлөөс ШУТИС-ийн “Хүндэт доктор”-оор өргөмжилсөн билээ. Харин энэ 9 сарын 9-ний өдөр манай “Хүндэт доктор” Шейх Нассер Сабах Аль-Ахмад Аль-Сабах ШУТИС-д зочилж сургуулийн удирдлагуудтай уулзалт хийлээ.
Уулзалтанд ШУТИС-ийн ректор Б.Дамдинсүрэн, проректор, бүрэлдэхүүн сургуулийн захирал болон газар, албадын дарга нар оролцов. Тус уулзалтаар Шейх Нассер Сабах Аль-Ахмад Аль-Сабах ШУТИС-ийн материаллаг баазыг бэхжүүлэхэд зохих дэмжлэг үзүүлэхээ мэдэгдээд Кувейтын зарим их, дээд сургуультай хамтын ажиллагаа тогтоох талаар ярилцлаа. Мөн ШУТИС-ийн профессор багш, ажилчид болон оюутан залуучуудыг Кувейтын сургуульд очиж туршлага солилцон хамтран ажиллахыг урьлаа. Уулзалтын төгсгөлд ШУТИС-ийн хамт олноос Шейхийн нэрийг монгол бичгийн уран бичлэгээр бичсэн дурсгалын зүйл болон Ю.Болдбаатарын авсан “Шонхорын бүжиг” гэрэл зургийг дурсгал болгон гардуулав.
Политехник коллежийн оюутнуудын бүтээл сургуулийн орчинд бодитоор хэрэгжлээ
Эко боловсролын аян 2026
НҮБ-ын хүний эрхийн дээд комиссарын хүндэтгэлийн лекцэд ШУТИС-ийн төлөөлөл оролцлоо
“Мэргэжлийн болон техникийн боловсролын хөгжил, өөрчлөлт, шинэчлэл” олон улсын эрдэм шинжилгээний хурал боллоо
Компьютерын сүлжээний улсын XIV олимпиад, эрдэм шинжилгээний хурал амжилттай зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
