ШИНЖЛЭХ УХААН, ТЕХНОЛОГИЙН ИХ СУРГУУЛЬ

ХАМТАРСАН СУРГАЛТ ЯВУУЛАХ ТУХАЙ САНАМЖ БИЧИГТ ГАРЫН ҮСЭГ ЗУРАВ

Монгол Улсын Их Сургууль (МУИС), Шинжлэх Ухаан Технологийн Их Сургууль (ШУТИС), Хөдөө Аж Ахуйн Их Сургууль (ХААИС) нь Монгол Улсад Усны менежментийн чиглэлийн чадварлаг боловсон хүчин бэлтгэх чиглэлээр хамтарсан сургалт явуулах, хамтран ажиллах зорилгоор 2011 оны 06 дугаар сарын 15-ны өдөр санамж бичигт гарын үсэг зурав.

Монгол Улсын Их Сургууль, Шинжлэх Ухаан Технологийн Их Сургууль, Хөдөө Аж Ахуйн Их Сургууль нь харилцан усны менежментийн чиглэлээр ажиллах ирээдүйн боловсон хүчнийг бэлтгэхэд идэвх санаачилгатай хамтран ажиллаж улс орныхоо хөгжилд хувь нэмрээ оруулах юм. Талууд нь дараах чиглэлээр хамтран ажиллана үүнд Усны менежментийн чиглэлээр магистрын түвшний хамтарсан сургалт зохион байгуулах, Сургалтын төлөвлөгөөнд тусгагдан, оюутны судалсан хичээлүүдийн багц цаг болон мэдлэгийг үнэлсэн үсгэн үнэлгээг их сургуулиуд харилцан адил хүчинтэйд тооцох, Их сургуулиудын сургалтын лаборатори, тоног төхөөрөмжийг хамтарсан сургалт болон судалгааны ажилд хамтран ашиглах, Усны менежментийн чиглэлээр хамтарсан судалгааны ажил явуулахаар болжээ.

ЗХШҮГ