ШУТИС-н ЭХИС-н багш Доктор (PhD), Дэд профессор Т.Уранчимэг олон улсын эмэгтэй эрдэмтэдэд олгодог Schlumberger сангийн Faculty for the Future нийгэмлэгийн 2011 оны шалгаруулалтанд тэнцэж 36000$-н тэтгэлэг хүртэхээр болов.
Schlumberger сан нь 2004 оноос эхлэн хөгжиж буй орны физик болон инженерийн чиглэлээр ажиллаж байгаа эмэгтэй эрдэмтэдийг өөрсдийн мэргэжлийн дагуу хийх судалгааны ажлыг нь дэмжин энэхүү тэтгэлгийг олгож эхэлсэн ажээ. Одоогоор 54 орны 194-н эрдэмтэд энэ тэтгэлэгийг хүртээд байгаагийн 53-н хүнд энэ жил шинээр тэтгэлэг олгожээ. Тэтгэлэгт 1581 хүсэлт бүртгүүлснээс 631-н тодорхойлолтоос сонголт хийгдсэн бөгөөд 5-н үе шаттай шалгаруулдаг энэ тэтгэлэгт Монголоосоо анх удаа манай сургуулийн багш сонгогдов.
Т.Уранчимэг нь 1992 онд ОХУ-н Новосибириск хотын ТИС-г дүүргэж, 1997 онд МУТИС-д магистрын зэрэг хамгаалсан, 1998-2001 онд ШУТИС-н Зорилтот аспирантурт суралцаж төгсөөд 2002-2003 онд ОХУ-н Новосибириск хотын ТИС-д эргэж очиж эрдмийн ажлаа дүүргэн Техникийн ухааны докторын зэргийг (PhD) хамгаалсан. Хүн машины систем, хиймэл оюун, зайн болоод цахим сургалт чиглэлээр судалгааны ажил хийдэг.
2010 оноос эхлэн виртуаль лабораторийг үүсгэж сургалтанд ашиглах чиглэлээр судалгааны ажлаа үргэжлүүлж байгаа бөгөөд ХБНГУ-н Хемниц хотын Технологийн Их Сургуультай хамтран виртуаль лабораторийн хамтарсан төсөл хэрэгжүүлэхээр ажиллаж байна.
Тэрээр сургалтанд мэдээллийн технологийг өргөнөөр ашиглах тэр тусмаа танхимын сургалттай цахим сургалтыг хослуулан ашиглах, мөн бодитоор байгуулахад бэрхшээлтэй лабораториудыг виртуаль хэлбэрээр байгуулан сургалтанд ашиглах, гадаадын их дээд сургуулиудтай хамтран виртуаль лабораторийг байгуулан сургалтанд нэвтрүүлэх үндсэн зорилготой ажиллаж байна.
Schlumberger Limited гэсэн холбоосоор орж Schlumberger компаний тухай нэмэлт мэдээллийг авч болно.
www.facultyforthefuture.net гэсэн холбоосоор орж Faculty for the future нийгэмлэгийг тухай нэмэлт мэдээллийг авч болно.
ЭХИС
“МАРКЕТИНГ: ӨЧИГДӨР, ӨНӨӨДӨР, МАРГААШ” 2024 амжилттай болж өндөрлөлөө
“Эрдэнэс ҮТП” ХХК-тай хамтран ажиллах санамж бичиг байгууллаа
ШУТИС-ийн оюутны “ЭРДМИЙН XXIII ЧУУЛГАН”-ны шилдэг бүтээлийн уралдаан зохион байгуулагдлаа
“Ерөнхийлөгчийн илгээлт 2100” сургалтын тэтгэлэгт хөтөлбөрийн Гадаад хэлний бэлтгэл хөтөлбөр ШУТИС-ийн Гадаад хэлний сургуульд 3 дахь жилдээ амжилттай хэрэгжиж байна
“JOB FAIR-2024” ажлын байрны нээлттэй өдөрлөгийн мэдээ
© 2005-2020 Монгол Улсын Шинжлэх Ухаан Технологийн Их Сургууль, Мэдээллийн технологийн төв
