ШУТИС өнгөрсөн онд “Сүмитомо” корпорацитай хамтран ажиллах гэрээнд гарын үсэг зурсан билээ. Хамтын ажиллагааны гэрээний хүрээнд “Сүмитомо” корпораци нь жил бүр механик инженерийн чиглэлээр сурч буй 15 оюутанд тэтгэлэг олгож байхаар болсон юм. ШУТИС-д сурч байгаа сурлагаараа тэргүүлэгч 15 оюутанд “Сүмитомо” корпораци гуравдугаар сарын 30-ны өдөр тэтгэлгийг нь гардуулан өглөө. Тэтгэлэг гардуулах ёслолын ажиллагаанд ШУТИС-ийн удирдлагууд болон “Сүмитомо” корпорацийн Улаанбаатар дахь төлөөлөгчийн газрын ерөнхий менежер Ясүнори Аоки бусад албаны хүмүүстэйгээ хүрэлцэн ирсэн байв. Тус байгууллага нь одоогоор Азийн 11 орны 41 их сургуулийн 1000 орчим оюутанд тэтгэлэг олгож байгаа бөгөөд 1996 оноос хойш өнөөг хүртэл давхардсан тоогоор нийт 10 мянга гаруй оюутанд тэтгэлэг олгосон байна. Монголд ч гэсэн энэхүү тэтгэлэгт хөтөлбөрт 250 гаруй оюутан хамрагдаад байгаа ажээ. Мөн “Сүмитомо” корпорацийн “Трансвест монголиа” компани нь ШУТИС-д механикчийг бэлтгэх бүрэн хэмжээнийг нэг хичээлийн кабинет тохижуулан өгсөн юм.
“Сүмитомо” корпорацийн Монгол дахь үйл ажиллагаа 1991 онд Монголбанкны алт цэвэршүүлэх төслөөр эхэлжээ. Тэд 1996 онд Ньюком болон Японы KDDI-тай хамтран үүрэн холбооны “Mobicom” компанийг үүсгэн байгуулж, мянга гаруй ажлын байрыг бий болгосон юм. Мөн 2004 онд нефтийн бүтээгдэхүүнийг орлох эрчим хүч болох ШНХ (LPG)-ийн импорт, борлуулалтын компанийг үүсгэн байгуулж Улаанбаатар хотын агаарын бохирдлыг багасгахад багагүй хувь нэмэр оруулжээ. 2009 оноос тус корпораци уул уурхайн тоног төхөөрөмжийн импорт борлуулалт, үйлчилгээний компанийг үүсгэн байгуулаад ажиллаж байна.
“Эрдэнэс ҮТП” ХХК-тай хамтран ажиллах санамж бичиг байгууллаа
ШУТИС-ийн оюутны “ЭРДМИЙН XXIII ЧУУЛГАН”-ны шилдэг бүтээлийн уралдаан зохион байгуулагдлаа
“Ерөнхийлөгчийн илгээлт 2100” сургалтын тэтгэлэгт хөтөлбөрийн Гадаад хэлний бэлтгэл хөтөлбөр ШУТИС-ийн Гадаад хэлний сургуульд 3 дахь жилдээ амжилттай хэрэгжиж байна
“JOB FAIR-2024” ажлын байрны нээлттэй өдөрлөгийн мэдээ
Усны шинжлэх ухаан ба инженерчлэл – 2024 (Hydroscience and Engineering - 2024) эрдэм шинжилгээний хурал зохион байгуулагдав
© 2005-2020 Монгол Улсын Шинжлэх Ухаан Технологийн Их Сургууль, Мэдээллийн технологийн төв
