Уг өдөрлөгийг МҮХАҮТанхим 50 жилийнхээ ойн хүрээнд Нийслэлийн Хөдөлмөрийн газартай хамтран 9 сарын 11-нд 10 цагаас Сүхбаатарын талбайд зохион байгуулав. Өдөрлөгийн үеэр Танхимаас эрхлэн гаргадаг бүх төрлийн ном, сонин, сэтгүүл, гарын авлагууд худалдаалагдаж мөн танхимын гишүүн компаниудын ажлын байрны саналыг идэвхтэй ажил хайгчид болон оюутан залууст танилцуулах үйл ажиллагаа явагдлаа. Нийслэлийн хөдөлмөрийн газар, Дүүргүүдийн хөдөлмөр халамж үйлчилгээний хэлтэсүүд, бизнесийн байгууллагууд, МУИС, ХААИС, ХИС, СЭЗДС-ийн Оюутны хөдөлмөр эрхлэлтийг дэмжих төвүүд зэрэг хөдөлмөр эрхлэлтийн чиглэлээр үйл ажиллагаагаа явуулдаг байгуулллагууд өргөнөөр оролцож хөдөлмөр эрхлэлтийг дэмжих үйл ажиллагааг олон нийтэд хүргэлээ. Үүнд: ажил мэргэжлийн чиг баримжаа олгох зөвлөгөө өгөх, шинэ болон сул чөлөөтэй ажлын байрны захиалгыг танилцуулах, ажилд зуучлах, “Чадавхи” багц сургалтанд бүртгэх, хамруулах, оюутан залуусыг цагийн ажилд бүртгэх, зуучлах мөн түүнчлэн танхимын гишүүн компаниудын ажлын байрны саналыг оюутан залуучууд, идэвхитэй ажил хайгч нарт зориулан мэдээлэл өглөө. ШУТИС-ийн Оюутны хөдөлмөр эрхлэлтийг дэмжих төв нь уг өдөрлөгт дээрх үйл ажиллагаанаас гадна “Оюутны хөдөлмөр эрхлэлтийг дэмжих дэд хөтөлбөр” болон оюутны цагийн ажлын талаарх дэлгэрэнгүй мэдээ мэдээлэл, хөдөлмөр эрхлэлтийн зөвлөх үйлчилгээг хүрэлцэн ирсэн оюутнууд олон нийт болон оюутнуудад хүргэлээ.
Оюутны хөдөлмөр эрхлэлтийг дэмжих төв
ШУТИС-д UNESCO-ICHEI тэргүүтэй байгууллагуудын төлөөлөгчид зочлов
Монгол улс дахь Францын элчин яаманд ШУТИС-ийн ректор Т.Намнан зочиллоо
“Хиймэл оюунаар дээд боловсролын экосистемийг дэмжих нь” сэдэвт Зүүн Азийн дээд түвшний бодлогын хэлэлцээр зохион байгуулагдлаа
ШУТИС-ийн баг “Baku Gym for Challenge–2025” олон улсын тэмцээнээс Алтан медаль хүртлээ
ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
