ШИНЖЛЭХ УХААН, ТЕХНОЛОГИЙН ИХ СУРГУУЛЬ

ШУТИС-ийн удирдлага БНСУ-д ажлын айлчлал хийлээ

Шинжлэх ухаан технологийн их сургуулийн Эдийн засаг, нийгмийн хөгжил эрхэлсэн проректор Д.Батчулуун, Гадаад харилцаа хамтын ажиллагааны албаны дарга Т.Ууганбаяр нар БНСУ-ын Чусоны их сургууль, ЮНИСТ, Чангвоны үндэсний их сургууль, Солонгосын шинжлэх ухаан технологийн их сургууль болон судалгааны хүрээлэнгүүдэд 2015 оны зургаадугаар сарын 29-ний өдрөөс долдугаар сарын 3-ны хооронд ажлын айлчлал хийсэн билээ. Тус айлчлалын үеэр тухайн байгууллагуудын удирдлага, эрдэмтэн судлаачидтай уулзаж хамтын ажиллагааг хөгжүүлэх талаар санал солилцсон юм. Тухайлбал Чусоны их сургуульд манай залуу багш эрдэмтдийг сургалтанд хамруулах, тэтгэлэгтэйгээр хоёр доктор оюутан сургах, эрүүл мэнд, эмнэлгийн чиглэлээр үнэ төлбөргүй үйлчилгээ үзүүлэх, хамтарсан судалгааны төв байгуулах ажилд хөрөнгө оруулалт хийх зэрэг маш олон ач холбогдолтой зүйлийг тохиролцсон.

Мөн хот төлөвлөлт, байгаль орчны инженерчлэлийн чиглэлээр ШУТИС-ийн багш оюутнуудыг ЮНИСТ-д хүлээн авагч талын тэтгэлэгээр сургах, хамтарсан семинар зохион байгуулах зэрэг ажлыг зохион байгуулахаар ЮНИСТ-ийн төлөөлөгч нартай тохиролцжээ.

Сүүлийн жилүүдэд хамтын ажиллагаа идэвхтэй хөгжиж байгаа сургуулиудын нэг бол Чанвоны Үндэсний их сургууль (ЧҮИС) юм. ШУТИС-ийн төлөөлөгчид айлчлалынхаа үеэр ЧҮИС-ийн ерөнхийлөгч болон бусад төлөөлөгч нартай уулзаж цаашдын хамтын ажиллагаа, тус сургуульд тэтгэлэгээр суралцаж буй таван магистр, докторант оюутантай уулзаж санал солилцсон байна.

Мөн айлчлалын үеэр Солонгосын шинжлэх ухаан технологийн их сургуулийн Уул уурхайн болон Эрчим хүчний судалгааны хүрээлэнгийн удирдлага, төлөөлөгч нартай уулзалт хийж ШУТИС-ийн багш оюутныг жил бүр тус сургуулийн тэтгэлэгээр БНСУ-ын 32 судалгааны хүрээлэнд магистр, докторын хөтөлбөрт сургах, уул уурхайн чиглэлээр, нүүрс боловсруулах хуурай технологийг Монголд нэвтрүүлэх талаар хамтарсан судалгаа хийх, мөн Эрчим хүчний хүрээлэнтэй хамтран нүүрснээс шингэн хий, түлш гарган авах талаар судалгаа хийхээр болсон байна.

СҮҮЛД НЭМЭГДСЭН

“БИЗНЕСИЙН ТЕХНОЛОГИ-2026” эрдэм шинжилгээний хурал, хэлэлцүүлэг амжилттай зохион байгуулагдлаа

MJEED төслийн хүрээнд “Инновац, энтрепренершип” сургалтад хамрагдлаа

ШУТИС-ийн “Манай эрдэмтэд” Цуврал No.77-г МУ-ын Гавьяат багш, доктор, профессор П.Отгонбаяр “Хавиргат орон зайн нимгэн ханат бүтээцийн тооцоо” нэртэйгээр хэвлэн гаргав

7 дахь удаагийн “Ган гүүр-2026” тэмцээн амжилттай болж өндөрлөв

ШУТИС “Түүхийн багш нарын улсын анхдугаар зөвлөгөөн”-ийг санаачилж, амжилттай зохион байгуулав

БУСАД МЭДЭЭ ...

ШУТИС-ийн удирдлага БНСУ-д ажлын айлчлал хийлээ

СҮҮЛД НЭМЭГДСЭН

САЛБАР СУРГУУЛЬ

БҮРЭЛДЭХҮҮН СУРГУУЛЬ

ЭРДЭМ ШИНЖИЛГЭЭНИЙ ХҮРЭЭЛЭНГҮҮД

Бидний тухай

ЗАСАГЛАЛ

Сургалт

ЭРДЭМ ШИНЖИЛГЭЭ, ИННОВАЦИ

Оюутан

НОМЫН САН

ХАМТЫН АЖИЛЛАГАА

САНХҮҮ, ХӨРӨНГӨ ОРУУЛАЛТ

МАНАЙ ХАЯГ

МАНАЙ СҮЛЖЭЭНД НЭГДЭЭРЭЙ

МЭДЭЭ ХҮЛЭЭН АВАХ И-МЭЙЛ: