ШИНЖЛЭХ УХААН, ТЕХНОЛОГИЙН ИХ СУРГУУЛЬ

БНСУ-ын Чангвоны Үндэсний их сургуулийн ректор Чан Гю Ли “Хүндэт доктор” цол хүртэв

БНСУ-ын Чангвоны Үндэсний их сургуулийн ректор Чан Гю Ли-д ШУТИС-ийн “Хүндэт доктор” цол өргөмжлөх ёслолын ажиллагаа 2015 оны 4 дүгээр сарын 30-ны өдөр Эрдмийн зөвлөлийн өрөөнд боллоо.

Ёслолын ажиллагаанд ШУТИС-ийн Ректор Б.Очирбат болон ректорын зөвлөлийн бүрэлдэхүүн, эрдмийн зөвлөлийн зарим гишүүд оролцлоо. Хүндэт доктор цол олгох тухай эрдмийн зөвлөлийн тогтоолыг проректор Ч.Баасандаш, БНСУ-ын Чангвоны Үндэсний их сургуулийн ректор Чан Гю Лигийн танилцуулгыг проректор Т.Намнан тус тус уншиж танилцууллаа. ШУТИС болон БНСУ-ын Чангвоны Үндэсний их сургуулийн хоорондын хамтын ажиллагааг хөгжүүлж, ШУТИС-ийн эрдэмтдэн судлаачдыг мэргэжил дээшлүүлэх, ахисан түвшний сургалтад тэтгэлэгтэйгээр хамруулах, хамтарсан судалгааны ажил эрхлэхэд бодит дэмжлэг үзүүлж, сургалтын шинэ арга технологийг нэвтрүүлэх, судалгааны материаллаг баазыг бэхжүүлэхэд оруулсан үнэтэй хувь нэмрийг нь үнэлж БНСУ-ын Чангвоны Үндэсний их сургуулийн Ректор Доктор Чан Гю Лиг “Хүндэт доктор” цол өргөмжилжээ.

ШУТИС-ийн Ректор Б.Очирбат “Хүндэт доктор”-ын өмсгөл, дипломыг гардуулж, алд цэнхэр хадаг, мөнгөн аягатай цагаан идээний дээжийг өргөн барилаа. Хүндэт докторт ШУТИС-ийн Механик тээврийн сургуулийн салбарын эрхлэгч Д.Ганбат баяр хүргэж үг хэллээ. Мөн БНСУ-ын Чангвоны Үндэсний их сургуулийн ректор, ШУТИС-ийн хүндэт доктор Чан Гю Ли ёслолын ажиллагаанд оролцогчдод хандаж талархлыг үг хэллээ.

“Хүндэт доктор” Чан Гю Ли ШУТИС-д оруулсан хувь нэмэр:

· 2014 оноос эхлэн хамтын ажиллагааны гэрээний хүрээнд 3 жилийн хугацаагаар семестр болгонд тус их сургуулиас 5 багш, судлаачыг Чангвоны Үндэсний их сургуулийн докторантур, магистрантурын сургалтанд 800 000-1 500 000 воны тэтгэлэгтэйгээр сургаж байна.

· Сургалтанд зориулж UBT сургалтын төвийг ШУТИС-дээр нээж, 15000ам долларын үнэ бүхий 50 ширхэг таблет РС, 1 сервэрийн хамт хандивласан.

· ШУТИС-ийн МехТС-д 200000 воны мехатроникийн лабораторийн тоног төхөөрөмж хандивлаж байгаа.

· Судалгааны ажилд зориулан 20000ам долларын өртөг бүхий хайбрид салхин үүсгүүр, гэрэлтүүлгийн иж бүрдлийг хандивлан, ШУТИС-ийн төв байранд суурилуулан ажиллуулж байна.

· ШУТИС-ийн багш судлаачдыг Чангвоны Үндэсний их сургуульд зочин профессор судлаачаар урьж ажиллуулах шийдвэр гарган 2014-2015 оны хичээлийн жилийн 1, 2-р семестрт эхний 2 багшийг уриад байна.

· 2015 онд багш, ажилтан солилцоогоор ШУТИС-ийн номын сангийн 2 ажилтны зардлыг гарган, Чангвоны Үндэсний их сургуулийн туршлага судлах хөтөлбөрт хамруулан цалинтайгаар ажиллуулж байна.

· ШУТИС-ийн 1 профессорын зардлыг гарган урьж, Чангвоны Үндэсний их сургуульд лекц уншуулах юм.

· Багш ажилтны мэргэжил дээшлүүлэхэд хувь нэмэр оруулан ШУТИС-иас 4 багш, ажилтны зардлыг хариуцан Чангвоны Үндэсний их сургуулийн богино хугацааны сургалтад хамруулсан.

СҮҮЛД НЭМЭГДСЭН

Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа

Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав

Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив

“Технологи ба хүний эрх” сэдвийн хүрээнд хамтран ажиллах санамж бичиг байгууллаа

Гар барилдааны төрөлд оролцож хүрэл медаль хүртлээ

БУСАД МЭДЭЭ ...

БНСУ-ын Чангвоны Үндэсний их сургуулийн ректор Чан Гю Ли “Хүндэт доктор” цол хүртэв

СҮҮЛД НЭМЭГДСЭН

САЛБАР СУРГУУЛЬ

БҮРЭЛДЭХҮҮН СУРГУУЛЬ

ЭРДЭМ ШИНЖИЛГЭЭНИЙ ХҮРЭЭЛЭНГҮҮД

Бидний тухай

ЗАСАГЛАЛ

Сургалт

ЭРДЭМ ШИНЖИЛГЭЭ, ИННОВАЦИ

Оюутан

ХАМТЫН АЖИЛЛАГАА

САНХҮҮ, ХӨРӨНГӨ ОРУУЛАЛТ

МАНАЙ ХАЯГ

МАНАЙ СҮЛЖЭЭНД НЭГДЭЭРЭЙ

МЭДЭЭ ХҮЛЭЭН АВАХ И-МЭЙЛ: