ШИНЖЛЭХ УХААН, ТЕХНОЛОГИЙН ИХ СУРГУУЛЬ

Шинжлэх ухааны Академитай хамтран ажиллах гэрээ байгууллаа

Монгол Улсын Шинжлэх ухааны Академи, Шинжлэх ухаан, технологийн их сургууль 2015 оны гуравдугаар сарын 11-ний өдөр хамтран ажиллах гэрээ байгууллаа. Хамтын ажиллагааны гэрээнд ШУА-ийн ерөнхийлөгч Б.Энхтүвшин, ШУТИС-ийн ректор Б.Очирбат нар гарын үсэг зурж бусад албаны хүмүүс оролцлоо.

Хамтран ажиллах гэрээ байгуулсанаар профессор, багш, судлаачдын хамтын ажиллагааг улам бүр өргөжүүлэн, нийгмийн өмнө тулгамдсан техник, технологийн асуудлуудыг шинжлэх ухааны үндэстэй шийдвэрлэх, өндөр түвшний технологийн судалгааг хамтран хэрэгжүүлэх, судалгааг сургалттай нягт холбох, эрдэмтэн, судлаачид, инженер бэлтгэх, эх орны хөгжилд бодитой хувь нэмэр оруулахуйц төслүүдийг боловсруулан хэрэгжүүлэхээр боллоо.

Түүнчлэн ШУА-ийн харьяа хүрээлэн, төвийн лабораториуд болон бусад судалгааны нэгжид ШУТИС-ийн оюутан, магистрант, докторантыг сургаж дадлагажуулах, эрдэмтдийг ажиллуулах, олон улс, бүс нутгийн болон хоёр талын хамтарсан төсөл, экспедиц, эрдэм шинжилгээний хурал, бусад арга хэмжээнд багш оюутнуудын төлөөлийг оролцуулж байхаар болжээ. Мөн эрдэмтэн судлаачдыг сургуулийн шаталсан сургалтанд татан оролцуулж, эрдэм шинжилгээний ажилтныг докторантурт сургах ажлыг дэмжин ажиллахаар болов.

СҮҮЛД НЭМЭГДСЭН

Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав