Шинжлэх ухаан, технологийн их сурууль болон Чанвоны үндэсний их сургууль хоорондын хамтын ажиллагааны гэрээнд гарын үсэг зурах ёслолын ажиллагаа 2014 оны 10 дугаар сарын 16-ны өдөр боллоо. Гэрээг үзэглэх ёслолын ажиллагаанд Чанвоны үндэсний их сургуулийн ректор Чан Гю Ли, Проректор Ю Ин Кюу, Гадаад харилцааны албаны дарга Жён Хюнг Жун, Төлөвлөлт үнэлгээний газрын дарга Юун Сён Сон болон бусад албаны хүмүүс, мөн ШУТИС-ийн ректор Б.Очирбат, Сургалтын проректор Х.Энхжаргал, Гадаад харилцаа, хамтын ажиллагааны проректор П.Жаргалтуяа, Оюутны хөгжил, олон нийттэй харилцах проректор Т.Намнан, ЭХС-ийн захирал Ч.Мангалжалав, МехТС-ийн захирал Д.Цолмонбаатар, ГХА-ны дарга Т.Ууганбаяр болон мэргэжилтнүүд оролцлоо.
Тус айлчлалын үеэр Чанвоны үндэсний их сургуулийн хамт олон ШУТИС-д өөрсдийн шинэ инновацийн бүтээгдэхүүн болох нар, салхины эрчим хүчээр ажилладаг гэрэлтүүлэг бэлэглэж байгаа юм.
Хамтын ажиллагааны гэрээний хүрээнд ШУТИС-ийн магистр, доктор оюутныг тэтгэлэгтэй суралцуулах, профессор багш нар тус их сургуульд хичээл заах, хамтарсан судалгаа хийх болон лаборатори тоног төхөөрөмжийг шинэчлэх, тохижуулах зэрэг бусад сургалт судалгааны олон чиглэлээр тус сургуультай хамтарч ажиллах боломж бүрдэж байна.
Чанвоны их сургуулийн төлөөлөгчдийн ШУТИС-д хийж буй айлчлал 2014 оны 10 дугаар сарын 17-ны өдрийг хүртэл үргэлжилнэ.
ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
Өвөрмонголын их сургуулийн Үйлс бүтээлийн сургуулийн төлөөлөгчдийг хүлээн авч уулзав.
ШУТИС Узбекстан Улсын Текстил ба хувцас үйлдвэрлэлийн Ассоциацитай харилцан ойлголцлын санамж бичиг байгууллаа
Канадын Йоркийн их сургууль болон Шинжлэх Ухаан Технологийн их сургууль хамтран хэрэгжүүлэх судалгааны төслийн нээлтэд зориулсан Эрдэм шинжилгээний хурал зохион байгуулагдлаа
ШУТИС "Бүс ба Зам" шинжлэх ухаан, технологийн санаачилгын олон улсын чуулга уулзалтад амжилттай оролцлоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
