ШИНЖЛЭХ УХААН, ТЕХНОЛОГИЙН ИХ СУРГУУЛЬ

2+2 хөтөлбөрийн нэмэлт гэрээнд гарын үсэг зурлаа

БНХАУ-ын Шанхайн ШУТИС-ийн Гадаад харилцааны дэд захирал Jin Xiaodong болон албаны бусад хүмүүс болох Hao Runke, Ge Bin, Ji Dongzhen нар 2+2 хөтөлбөрийн хүрээнд ШУТИС-ийн ЭХС-ийн Эмнэлгийн тоног төхөөрөмжийн инженер мэргэжлээр суралцахаар элссэн I, II дамжааны оюутнууд мөн Хятад хэлний багш нартай уулзаж санал солилцох ажлаар 9 дүгээр сарын 15-19-ний өдрүүдэд ажиллаа.

Тэднийг хүлээн авах уулзалтанд ЭХС-ийн захирал Ч.Мангалжалав дэд захирал Б.Өлзий-орших, Цахилгаан техникийн салбарын эрхлэгч Ч.Нацагдорж болон эмнэлгийн тоног төхөөрөмжийн мэргэжлийн багш нар оролцлоо. Мөн 2+2 хөтөлбөрийг боловсронгуй болгох, сургалтын чанарыг сайжруулах талаар 2+2 хөтөлбөрийн гэрээнд нэмэлт өөрчлөлт оруулж гарын үсэг зурахад ШУТИС-ийн Гадаад харилцаа хариуцсан проректор П.Жаргалтуяа, ЭХС-ийн захирал Ч.Мангалжалав, Гадаад харилцааны мэргэжилтэн Д.Түмэннасан, Эмнэлгийн тоног төхөөрөмжийн мэргэжлийн багш Б.Энхжаргал, Д.Пүрэвдаш, А.Амаржаргал нар байлцлаа.