2014 оны 6 сард ШУТИС-ийн багш нар Оросын Холбооны Улсын Башкиртостанд болсон Олон улсын залуу инженерүүд болон үйлдвэрлэгчдийн чуулга уулзалтанд амжилттай оролцоод ирлээ. Энэхүү чуулга уулзалтыг орчин үеийн үйлдвэрлэлийн хөгжилд залуучуудын оролцоог нэмэгдүүлэх, тэдний эрдэм шинжилгээны болон боловсрол мэдлэгийн өндөр хүчин чадлыг бүрэн дүүрэн ашиглах зорилготойгоор Оросын машин үйлдвэрлэлийн холбооноос 4 дэхь жилдээ зохион байгуулж байгаа юм. Өнөө жилийн чуулга уулзалтанд ОХУ-ын техник технологийн чиглэлээр сургалт явуулдаг 70 гаруй их дээд сургуулиуд болон 30 орчим томоохон үйлдвэр аж ахуйн нэгжүүд, гадаадын 8 улсын зочид төлөөлөгчид уригдан ирж оролцлоо. Чуулга уулзалтын хөтөлбөрт инженер- зохион бүтээгч, инженер- технологич, робот техник, радио техник, системийн инженерчлэл, үйлдвэрлэлийн менежмент гэх мэт чиглэлүүдээр сургалтууд, зохион бүтээх ур чадвар шаардсан тэмцээнүүд, томоохон үйлдвэрүүдийн төлөөлөлтэй холбоо тогтоож туршлага солилцох уулзалтууд, гадаадын зочид төлөөлөгчидтэй ярилцах дугуй ширээний ярилцлага, урлаг спортын арга хэмжээнүүд багтаж байсан ба манай багш нар зохион бүтээх ба спортын тэмцээнүүдэд оролцон, улс орон, сургуулиа сурталчлах өдөрлөг зохион байгуулж, Башкиртостоны үндэсний радио телевиз болон чуулга уулзалтын ерөнхий ивээн тэтгэгч Уралын мотор үйлдвэрлэлийн нэгтгэлийн сонинд ярилцлага өгч мөн сургалтанд сууж сертификат гардан авсан юм.
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
