Вордсворт Эдишнс компанийн номын танилцуулга нэгдvгээр сарын 20-ны єдєр ШУТИС-ийн Шинжлэх ухаан технологийн төв номын сангийн 3 давхарт болно. Английн нэрт Вордсворд Эдишнс /Wordsworth Editions/ компани нь анх 1992 онд дэлхийн сонгодог бүтээлүүдийг маш хямд, зөөлөн хавтастайгаар хэвлэж, худалдаанд гаргаснаар хэвлэлийн үйлдвэрлэлийн салбарт багагүй шуугиан тарьж гарч ирсэн түүхтэй. Өнөөдрийн байдлаар тус компани Английн сонгодог зохиол, хүүхдийн сонгодог зохиол, дэлхийн уран зохиолын сонгодгууд, яруу найраг, шидэт, ер бусын адал явдалт зохиол, хатуу хавтастай номнуудаас бүрдсэн номын сангийн цуврал зохиол, толь бичгүүд, лавлах номууд, мөн дэлхийд алдартай зохиолчдын бүрэн хэмжээний болон хэсэгчилсэн зохиол бүтээлүүдийг эмхтгэж, нийтдээ 500 гаруй нэр төрлийн ном хэвлэжээ. Вордсворд Эдишнс компани ном зохиолдоо тухайн салбарт мэргэшсэн, туршлагатай судлаачдаар шүүмж, тайлбар бичүүлэн, байнга судалгаа хийж ажилладаг тул тэдний бүтээл дэлхийн номын зах зээл дээр нэр хүндтэй, чанартай хэвлэлийн тоонд орсон хэвээр байгаа юм.
Тус компаний эрхлэн гаргасан ном зохиолыг, ялангуяа англи хэл сурч буй сурагчид, оюутан залуус, утга зохиол сонирхогчид заавал унших номынхоо жагсаалтанд зүй ёсоор оруулах хэрэгтэй хэмээн дэлхийн томоохон их дээд сургуулиудын эрдэмтэн судлаачид, мөн зохиолчид зөвлөж байна.
БНХАУ-ын Харилцаа холбооны их сургуультай хамтран ажиллах санамж бичиг байгууллаа.
БНХАУ-ын Цинхуа их сургуулийн дэргэдэх Tus-Holdings Co.,Ltd болон TusPark-д айлчиллаа.
БНХАУ-ын Цинхуа их сургуультай хамтран ажиллах санамж бичиг, “Нүүрстөрөгчийн саармагжилт, эрчим хүчний системийн шилжилт” (CNEST) олон талт хамтарсан судалгааны хөтөлбөрийн гэрээг байгууллаа.
Цусны донорын өдөрлөг
Rio Tinto Монгол компанийн танилцуулах уулзалтад 400 гаруй оюутан оролцов
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
