ШУТИС-ийн эрдэмтэн багш, профессоруудын дунд уламжлал болон зохиогддог "Тэргүүний техник, технологийн бүтээл шалгаруулах уралдаан"-ыг энэ сарын 06-08-ны өдрүүдэд 5 дахь удаагаа амжилттай зохион явууллаа. Тус уралдаанд оролцсон бүтээлүүдээс тэргүүний техник технологийн бүтээлийг шалгаруулж, байр эзлүүлэн, шилдгээр тодрууллаа. Үүнд: Тэргүүний техник технологийн бүтээлээр: I байр. ЭХИС-ийн тэргүүлэх профессор С.Батмөнх, эрдэм шинжилгээний ажилтан Д.Балдандорж нарын "Нүүрс усны суспензэн түлш үйлдвэрлэх технологи" бүтээл, II байр. ХИБС-ийн дэд профессор Ч.Цэнд-Аюушийн "Сүүн хүчлийн бичил биетний цэвэр өсгөвөр" бүтээл, III байр. МХТС-ийн багш Х.Чулуунбандийн "Телевиз болон радио сувгийн дамжуулах станц" бүтээл, Тусгай байр БИАС-ийн ахлах багш асан Г.Золжаргал, Зураг төсөл судалгааны төвийн захирал Э.Пүрэв-Эрдэнэ, тэргүүлэх профессор И.Гончигбат нарын "ШУТИС-ийн номын сангийн цогцолборын архитектур хийц, технологийн шийдэл" бүтээл, Тусгай байр ҮТДС-ийн Нэхмэлийн хүрээлэнгийн профессор Г.Надмидын "Торомны ноолууран бүтээгдэхүүн" бүтээл, Тусгай байр МИС-ийн зөвлөх профессор С.Ишбалжирын "Монголын оньсон техникийн инженерийн хийц" бүтээлүүд тус тус шалгарлаа. Технологи дамжуулалт патентийн төв
БНХАУ-ын Харилцаа холбооны их сургуультай хамтран ажиллах санамж бичиг байгууллаа.
БНХАУ-ын Цинхуа их сургуулийн дэргэдэх Tus-Holdings Co.,Ltd болон TusPark-д айлчиллаа.
БНХАУ-ын Цинхуа их сургуультай хамтран ажиллах санамж бичиг, “Нүүрстөрөгчийн саармагжилт, эрчим хүчний системийн шилжилт” (CNEST) олон талт хамтарсан судалгааны хөтөлбөрийн гэрээг байгууллаа.
Цусны донорын өдөрлөг
Rio Tinto Монгол компанийн танилцуулах уулзалтад 400 гаруй оюутан оролцов
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
