ШИНЖЛЭХ УХААН, ТЕХНОЛОГИЙН ИХ СУРГУУЛЬ

ШУТИС-ийн 180 багш, ажилчид шинэ байранд орлоо

ШУТИС багш ажилтнуудынхаа нийгмийн асуудлыг шийдвэрлэхийн тулд “Голомт банк”-тай хамтран орон сууцны хөнгөлөлттэй зээлийн гэрээг 2011 онд байгуулсан билээ. 2012 оны намар барилгын гүйцэтгэлийн ажлыг “Химон” ХХК, “Немон” ХХК эхлүүлж 2014 оны 5 дугаар сарын 31-ний өдөр улсын комисс хүлээн авч багш, ажилчдад түлхүүрийг нь гардуулан өглөө.

180 айлын орон сууцны хотхоны нээлтийн ажиллагаанд ШУТИС-ийн ректор Б.Очирбат, тэргүүн проректор Д.Батчулуун болон гүйцэтгэгч компанийн удирдлага болон “Голомт”, “Улаанбаатар” банкны төлөөлөл оролцож тууз хайчиллаа. ШУТИС-ийн 180 багш, ажилчид шинэхэн баригдаж ашиглалтад орсон орон сууцны түлхүүрээ гардан авлаа. Шинэ байранд орсон профессор, багш, ажилчид гүйцэтгэлийн ажлыг хийсэн “Немон” ХХК, “Химон” ХХК-ийн хамт олонд сэтгэл хангалуун байгаагаа нээлтийн үеэр илэрхийлж байлаа. ШУТИС цаашдаа багш, ажилчдынхаа орон сууцны хөтөлбөрийг үргэлжлүүлэх юм.