ШИНЖЛЭХ УХААН, ТЕХНОЛОГИЙН ИХ СУРГУУЛЬ

ШУТИС БНСУ-ын Сүн Чян Хяны Их сургуультай хамтарсан 2+2 хөтөлбөр хэрэгжүүлэхээр хамтын ажиллагааны гэрээ байгууллаа

Ректор Б. Очирбат 2014 оны 5 дугаар сарын 15-ны өдөр БНСУ-ын Сүн Чян Хяны их сургуулийн ректор Др. Кёил Сү, проректор Др. Ким Хун Жин болон бусад албаны хүмүүстэй хоёр их сургуулийн хамтын ажиллагааны талаар уулзалт хийж, Сүн Чян Хяны Их сургуультай бакалаврын түвшинд 2+2 хамтарсан хөтөлбөр хэрэгжүүлэхээр хамтын ажиллагааны гэрээнд гарын үсэг зурлаа. Энэхүү гэрээний хүрээнд мэдээллийн аюулгүй байдлын чиглэлээр ШУТИС-д элсэн сурч буй, хэлний болон сурлагын зохих шаардлагыг хангсан бакалавр оюутнууд эхний 2 жилийг Монголдоо суралцан, сүүлийн 2 жилийг Сүн Чян Хяны Их сургуульд суралцаж, хоёр их сургуулийн хос дипломтой төгсөх юм.