ШУТИС-ийн ҮТДС нь Францын Дээд Алзасын Их сургуультай хамтарсан төсөл хэрэгжүүлж 2 багш доктор (Ph.D) хамгаалсан, 15 багш 2-4 сараар мэргэжил дээшлүүлсэн, одоо ч хамтын ажиллагаатай ажиллаж байна. Харин энэ удаад ШУТИС болон Францын Реймсийн Урлаг, Дизайны Сургуулийн хамтын ажиллагааны хүрээнд “INSPIRING FELT-2014” олон улсын эсгийний сургалт амжилттай явагдаж Оюутнууд өөрсдийн гаргасан эскиз загварын дагуу хийсэн бүтээлүүдээр үзэсгэлэн гаргалаа.
Өмнө нь Германы Касселийн Их сургуультай хамтарсан “INSPIRING FELT-2006” эсгийний сургалтыг зохион байгуулж байсан. Үзэсгэлэнгийн нээлтэд Франц улсаас Монгол улсад суугаа онц бөгөөд бүрэн эрхт элчин сайд Yves Delaunay , Монгол дахь Францын Соёлын Төвийн захирал Sophie Latayad, ШУТИС-ийн Гадаад Харилцаа Хамтын Ажиллагааны проректор П.Жаргалтуяа, Гадаад Харилцааны Албаны дарга Т.Ууганбаяр, ҮТДС-ийн захирал Н.Ганзориг болон Нэхмэл судлалын салбарын болон Франц улсын профессор багш, оюутнууд оролцлоо.
Сургалтад оролцож бүтээлээрээ “INSPIRING FELT-2014” үзэсгэлэн гаргасан оюутнуудад батламж олгов. Франц улсаас Монгол улсад суугаа элчин сайд Yves Delaunay үг хэлж уг сургалтыг үргэлжлүүлэн явуулах, улмаар багш оюутнуудыг Франц улсад суралцуулахад анхаарч ажиллахаа хэллээ. Франц оюутнууд өөрсдийн бүтээлээ Champagne мужийн “Нэхмэлийн технологи, бүтээгдэхүүний музей”-д гаргах юм.
ШУТИС-д "Суралцагч төвт сургалт" (LCL 2026) олон улсын семинарыг амжилттай зохион байгууллаа
БНСУ-ын Чусон их сургуультай хамтарсан хөтөлбөр, оюутан солилцооны чиглэлээр хамтран ажиллах гэрээ байгууллаа
Япон улсын Кюүшү их сургуулийн төлөөлөгчид ШУТИС-д айлчлав
Монголд анх удаа зүтгүүрийн жолоодлогын сургалтын цогц төхөөрөмжийг “Мози Воркшоп”-төслийн хүрээнд нэвтрүүлж байна
“МХТС-ийн чадавхыг бэхжүүлэх” төслийн хаалтын арга хэмжээ боллоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
