ХИБС-ийн Захирал, доктор Ж.Туяацэцэг, дэд захирал, доктор М.Пүрэвжав, Хоол үйлдвэрлэл, шим судлалын багийн тэргүүлэх профессор, доктор Г.Энхтайван нар ОУ-ын Хоолзүй, шим тэжээл судлалын нийгэмлэг (International Union of Nutritional Science)-ийн хамтын ажиллагааны хүрээнд тус байгууллага болон БНХАУ-ын Хоол, Шим тэжээл судлалын нийгэмлэгээс хамтран Шанхай хотноо зохион байгуулсан “Asia Nutrition Leadership Summit” чуулга уулзалтанд илтгэл тавьж оролцов.
Тус хуралд ДЭМБ(Дэлхийн эрүүл мэндийн байгууллага), Европын холбоо, АНУ, Нидерланд, Австрали, Монгол, Малайз, Бангладеш, Тайланд, БНСУ, БНХАУ, Индонез, Сингапур, Хонг Конг зэрэг орнуудын болон ОУ-ын байгууллагын төлөөлөгчид оролцож, 14 илтгэл тавьж, хэлэлцүүлэв.
Дэлхийн хүн амын 12% буюу 842 сая хүн(FAO, Food security statistics, 2011-2013), үүнээс 530 гаруй сая Ази тивийн хүн ам хоол тэжээлийн хомсдолтой, өлөн зэлмүүн амьдарч байна. Гэвч үүний зэрэгцээ биеийн жингийн илүүдэлтэй хүний тоо жил бүр өсч, одоо 2 тэрбум гаруйд хүрсэн(Barry Popkin and at all, 2014) бөгөөд нилээд олон орны 10-18 насны өсвөр үеийн залуучууд хэвийн жингээсээ 8-10 кг илүүдэл жинтэй байна.
Ийм учраас Азийн олон орны судлаачид хамтдаа чуулж, хүн амын шим тэжээлийн хангамж, эрүүл мэндийн байдлын судалгааг ДЭМБ-ын удирдамж дээр тулгуурлан шинэчлэн явуулж, өөр өөрийн үндэстний уламжлал, ёс заншил, газар зүйн байршил, цаг агаар зэрэг хүчин зүйлсээс үндэслэн судалж, нотолгоонд суурилсан “Шим тэжээлийн зөвлөмж хэмжээ”-г боловсруулах, үүндээ хооллолт, шим тэжээлийн хангамжийг идэвхитэй хөдөлгөөнтэй тэнцвэртэй байлгах заалтыг оруулах нь зүйтэй болохыг санал нэгтэй дүгнэлээ.
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
