ШИНЖЛЭХ УХААН, ТЕХНОЛОГИЙН ИХ СУРГУУЛЬ

“Хариуцлага ба аз жаргал” сургалт боллоо

БШУ-ны сайдын ивээл дор ШУТИС, Монгол залуу хүн ТББ хамтран ШУТИС-ийн хичээлийн хоцрогдолтой байгаа оюутнуудын сурлагын чанарыг дээшлүүлэх, суралцах идэвхийг нэмэгдлүүлэн хариуцлагыг ухамсарлуулах зорилготойгоор сургалтын төслийг хэрэгжүүлэхээр болсон.

Сургалтын төслийн зорилт нь

-Дээд боловсролын шинэчлэлд хийгдэж буй ажлыг товчлон танилцуулах, гарч буй эерэг үр дүнг сурталчилан таниулах

-Оюутны өөрсдийн оролцоонд тулгуурлан хувь хүн бүрийн авъяас чадвараа нээх сэдлийг бий болгох

-Оюутны төлбөр хийгээд оюутны үндэсний тэтгэлгийн хариуцлагыг таниулах, зөв үйлд захиран зарцуулах талаар ойлголт өгөх

-Ирээдүйд хариуцлага өндөртэй чадварлаг мэргэжилтэн болсноор улсын хөгжлийг урагшлуулах гол зангилаа болно гэдгийг ойлгуулах

-Суралцах хүсэл тэмүүллийг нь дэмжин бүтээлч иргэн болохын давуу талыг ойлгуулах

Энэхүү сургалтын төслийн хүрээнд “Хариуцлага ба аз жаргал” сэдэвтэй сургалт 2014 оны 4-р сарын 23-аас 4-р сарын 25-ны өдрүүдэд хуваарийн дагуу зохион байгуулагдаж ШУТИС-ийн бүрэлдэхүүн 13 сургуулийн GPA 2.5 –аас доош дүнтэй суралцаж буй 768 оюутан уг сургалтанд хамрагдлаа.

“Хэрэв сурагч та өөрөө хичээхгүй юм бол танд зуун багш, дэлхийн шилдэг сургууль байлаа ч сургах эрдэм хүчгүйднэ”.

Оюутны хөгжил, үйлчилгээний алба