ШУТИС-ийн магистрант, докторантын эрдэм шинжилгээ, судалгааны ажлыг дэмжих, салбар хоорондын мэдээлэл солилцож, интеграцийг хөгжүүлэх зорилгоор “МЭДЛЭГТ СУУРИЛСАН ТЕХНОЛОГИ” сэдэвт эрдэм шинжилгээний хурлыг 04-р сарын 16-ны өдөр амжилттай зохион байгууллаа.
Энэ удаагийн эрдэм шинжилгээний хурал нь магистрант, докторант нарт эрдэм шинжилгээ, судалгааны ажлын чиглэлээр харилцан туршлага судлах, судалгааны ажилдаа зөвлөгөө авах, хөндлөнгийн шүүмж хийлгэх /review/, нээлттэйгээр хэлэлцүүлэх талбарыг бий болгох зэрэг боломжуудыг бүрдүүлсэн юм.
Тус хурал 2 чиглэлтэйгээр явагдсан юм.
-Хэрэглээний шинжлэх ухаан, инженерчилэлийн чиглэлээр
-Байгаль, нийгэм, хүмүүнлэгийн чиглэлээр
Эрдэм шинжилгээний хурлын тойм:
Эрдэм шинжилгээ хурлыг 2 үе шаттайгаар зохион байгуулсан ба илтгэлийн агуулга, илтгэсэн байдал, шүүмж зэргийг харгалзан хурал зохион байгуулах комисс, редакцийн зөвлөлөөс дараахь байдлаар дүгнэлээ.
Редакцийн зөвлөл болон хурал зохион байгуулах комиссоос ирэх хичээлийн жилийн магистрант, докторантын хурлыг чанаржуулах тал дээр санал солилцсоноос:
-Ахисан түвшинд суралцаж буй оюутнуудыг академик судалгааны ёс зүйг /Plagiarism-оюуны хулгайн асуудал, судалгааны эх сурвалж, эшлэл зүүлт хэрэглэж дадах, бичлэгийн стандарт мөрдүүлэх/ анхаарах;
-Гадаад хэлээр ЭШ-ний өгүүлэл-уншлага (paper reading) хийх, судалгааны ажлаас эшлэл хийх, review/ шүүмж/ тойм, унших;
-Судалгааны үр дүнг боловсруулахад /бүх салбарт/ математик аргуудыг түлхүү ашиглах гэх мэт чухал зөвлөмжүүдийг өглөө.
Бүтээлээрээ шалгарсан оюутнуудад ШУТИС-ийн захирлын зөвлөлийн 04-р сарын 29-ний өдрийн хурал дээр шагналыг гардуулна. /Эрдмийн зөвлөлийн 203 тоот, 14:00 цагт/
“Мэдлэгт суурилсан технологи-2014” эрдэм шинжилгээний хуралд идэвхитэй оролцсон нийт магистрант, докторант нарт цаашдын эрдэм судлалын ажилд нь өндөр амжилтыг хүсье. Мөн редакцийн зөвлөлд ажилласан багш, судлаачиддаа талархал илэрхийлье.
ЭРДЭМ ШИНЖИЛГЭЭНИЙ АЛБА
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
