Боловсрол, шинжлэх ухааны яам, АХБ-ны санхүүжилттэй “Дээд боловсролын шинэчлэл” төсөл, Шинжлэх ухаан, технологийн их сургууль хамтран “Инженерийн боловсролын шинэчлэл” сэдэвт уулзалт, хэлэлцүүлэгийг 2014 оны 04 дүгээр сарын 16-ны өдөр Шинжлэх ухаан, технологийн их сургуулийн Төв номын санд зохион байгуулав. Уг уулзалтаар дээд боловсролын шинэчлэлийн ажлын хүрээнд инженерийн боловсролын тулгамдаж буй асуудлыг хэлэлцэж, инженерийн боловсролыг хөгжүүлсэн орнуудын жишиг туршлагаас суралцах, төр, шинжлэх ухаан, аж үйлдвэрийн оролцогч талуудын хамтын ажиллагааг харилцан бий болгох асуудлыг хэлэлцэв.
Хэлэлцүүлэгт ШУТИС-ийн эрдэмтэн, судлаачид “Инженерийн боловсролын тулгамдаж буй асуудал ба шинэчлэл”, Төрийн соёрхолт Н.Нацагням “Инженерийн боловсрол ба инноваци”, Инженерийн ухааны үндэсний Академийн дэд ерөнхийлөгч Р.Батмэнд, СЭЗДС-ийн дэд захирал Ж.Сүхбаатар нар “Боловсролын орчны шинжилгээ” сэдвээр сонирхолтой илтгэл тавьж хэлэлцүүллээ.
Уулзалт хэлэлцүүлэгт оролцогчид төгсөн гарч буй инженер мэргэжилтэнүүд зах зээл, үйлдвэрлэгчийн эрэлт хэрэгцээ, шаардлагад нийцэхгүй байгааг онцолж, инженерийн мэргэжлийн үнэлэмжийг дээшлүүлэх, дээд боловсролын эрх зүйн орчныг таатай болгох, сургалтын хөтөлбөр, агуулгыг сайжруулах, бүтээлч сэтгэлгээтэй инженер бэлтгэх тогтолцоог бий болгох, орчин үеийн магадлан итгэмжлэлийн үйл ажиллагааг нэвтрүүлэх нь чухал болохыг тэмдэглэв. Уулзалтаас инженерийн боловсролын хөтөлбөрт тавигдах шаардлагын төсөлд оролцогч талуудын саналыг тусган БШУЯ болон шийдвэр гаргагчид, бодлого боловсруулагчдад хүргүүлэхээр тогтлоо.
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
