ЭЛСЭЛТИЙН ВЭБ ЧУХАЛ ХОЛБООС
ШУТИС-ийн Хүндэт профессор цол хүртэв
Хуваалцах

ШУТИС-ийн ректорын гуравдугаар сарын 25-ны А-51 тоот тушаалаар ЭХИС-ийн Дулаан хангамж, автоматжуулалтын профессорын багийн ахлах багш Д.Даваадорж, БИАС-ийн барилгын техник, менежментийн профессорын багийн багш Б.Сарангэрэл нарт ШУТИС-ийн хүдэт профессор цол олгохоор болжээ. Хүндэт профессор цол олгох ёслолын ажиллагаа 2014 оны 4 дүгээр сарын 1-ний өдөр болж ЭША-ны дарга Х.Отгон-Эрдэнэ Хүндэт профессор цол хүртэж байгаа хүмүүсийг танилцууллаа.

 

Үүний дараа ШУТИС-ийн ректор Б.Очирбат хүндэт профессор цол хүртсэн ЭХИС-ийн Дулаан хангамж, автоматжуулалтын профессорын багийн ахлах багш Д.Даваадорж, БИАС-ийн барилгын техник, менежментийн профессорын багийн багш Б.Сарангэрэл нарт хүндэт профессорын диплом гардуулж, алд цэнхэр хадаг, мөнгөн аягатай цагаан идээний дээжийг өргөн барилаа. Хүндэт профессоруудад баяр хүргэж ЭХИС-ийн захирал Ч.Мангалжалав, БИАС-ийн тэргүүлэх профессор Р.Хишгээ нар үг хэлэв.

Хүндэт профессор ЭХИС-ийн Дулаан хангамж, автоматжуулалтын профессорын багийн ахлах багш Д.Даваадорж

Д.Даваадорж нь 1954 онд төрсөн. 1972-1978 онд Украйн улсын Киевийн политехникийн дээд сургуульд “Дулааны процессийн автоматжуулалт”  мэргэжлээр суралцаж төгссөн. 1978 оноос Улаанбаатар хотын Дулааны I  станцад автоматикийн инженер, 1981 оноос хойш МУИС, улмаар ШУТИС-д 32 дахь жилдээ багшилж байна.

Сургуульд оруулсан хувь нэмрийг дурдвал:

  • 1984-1986 оны хичээлийн жилүүдэд “Дулааны процессийн автоматжуулалт” лаборатори байгуулахад идэвх санаачилга гарган, лабораторийн стендүүдийг  шинээр ашиглахад гар бие оролцон ажилласан.
  • Уг лабораторийг 1990 онд “Автомат удирдлагын онол” лаборатори болгон өргөжүүлж компьютерийн программаар ажиллах лабораторийн хичээлийг  явуулах боломжтой болгосон.
  • Эрдэм шинжилгээний хурлуудад 20 гаруй илтгэл хэлэлцүүлсэн ба  мэргэжлийн сурах бичиг-2, брошюр гарын авлага -12 хэвлүүлсэн байна.
  • “Хөргөлт ба кондиционерийн систем” шинэ мэргэжлийн хичээлийн хөтөлбөр, стандарт боловсруулах ажлыг хийж гүйцэтгэсэн.
  • Эрчим хүчний салбарт шинээр нээгдсэн мэргэжилтэй холбоотой “Хөргөлт ба кондиционерийн лаборатори”-ийг байгуулахад оролцож шинэ стендүүдийн торируулга хийн удирдаж байна.
  • ШУТИС-ийн сургалтын бүх сургалтын байруудыг мэргэжлийн багш нарын хамт дулааны тоолуурын тооцоог гарган дулааны төлбөрийг тоолуураар хийх аргачлалд шилжүүлж 120 сая гаруй төгрөгийн хэмнэлт гаргаж ШУТИС-ийн Т байрыг барихад ихээхэн дэмжлэг үзүүлсэн.

Хүндэт профессор БИАС-ийн барилгын техник, менежментийн профессорын багийн багш Б.Сарангэрэл

Б.Сарангэрэл 1958 онд Говь-Алтай аймгийн Баян-Уул суманд төрсөн. 1983 оны ОХУ-ын Екатеринбург хотын Уралын ТИС-ийг “Барилгын инженер-эдийн засагч” мэргэжлээр төгссөн. ШУТИС-д 30 дахь жилдээ ажиллаж байна.

Ажиллах хугацаандаа:

  • Барилгын эдийн засаг, барилгын менежмент, барилгын үйлдвэрлэлийн зохион байгуулалт, маркетингийн үндэс зэрэг хичээлүүдийн хөтөлбөр, стандарт боловсруулж, арга зүйн үндсийг тавьсан.
  • Барилгын норм, дүрэм боловсруулсан ба багш нартай хамтарч “Эдийн засгийн онол” хичээлийн сурах бичиг 2 боть, гарын авлага 3-ыг бичиж хэвлүүлсэн.
  • Эрдэм шинжилгээ, сурталчилгааны 23 өгүүлэл бичиж хэвлүүлсэн.
  • “Барилгын салбарын үнэ бүрдэлт, үйлдвэрлэлийн үр ашгийг дээшлүүлэх” чиглэлээр 7 магистр оюутны төгсөлтийн ажлыг амжилттай удирдаж хамгаалуулсан.
СҮҮЛД НЭМЭГДСЭН

Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа

Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав

Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив

“Технологи ба хүний эрх” сэдвийн хүрээнд хамтран ажиллах санамж бичиг байгууллаа

Гар барилдааны төрөлд оролцож хүрэл медаль хүртлээ
БУСАД МЭДЭЭ ...
хаах
ЧУХАЛ ХОЛБООС
САЛБАР СУРГУУЛЬ
БҮРЭЛДЭХҮҮН СУРГУУЛЬ
ЭРДЭМ ШИНЖИЛГЭЭНИЙ ХҮРЭЭЛЭНГҮҮД
Бидний тухай
ЗАСАГЛАЛ
Сургалт
ЭРДЭМ ШИНЖИЛГЭЭ, ИННОВАЦИ
Оюутан
ХАМТЫН АЖИЛЛАГАА
САНХҮҮ, ХӨРӨНГӨ ОРУУЛАЛТ
МАНАЙ ХАЯГ
  • Шинжлэх Ухаан Технологийн Их Сургууль 8-р хороо, Бага тойруу, Сүхбаатар дүүрэг Улаанбаатар, Монгол улс 14191
  • Ш/х : 46/520
  • Утас : (976)-11-324590
МАНАЙ СҮЛЖЭЭНД НЭГДЭЭРЭЙ
МЭДЭЭ ХҮЛЭЭН АВАХ И-МЭЙЛ:
news@must.edu.mn
must

ШИЛЭН ДАНСНЫ МЭДЭЭЛЭЛ

must

АВИЛГАТАЙ ТЭМЦЭХ ГАЗАР

ШУДАРГА НИЙГМИЙН ТӨЛӨӨ ХАМТДАА
must

ХӨРӨНГӨ, ОРЛОГЫН МЭДҮҮЛЭГ

ХУВИЙН АШИГ СОНИРХОЛЫН МЭДҮҮЛЭГ

© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв