Японы хамгийн олон уншигчтай өдөр тутмын таван хэвлэлийн нэг Seikyo сонины 2008 оны 10-р сарын 30-ны №16403 дугаарын тэргүүн болон гуравдугаар нүүрт манай сургуулийн талаар дэлгэрэнгүй мэдээлэл гэрэл зургийн хамт нийтлэгджээ.Уг мэдээлэлд Монгол Улсын ШУТИС-ийн Эрдмийн зөвлөлөөс гаргасан шийдвэрийн дагуу Олон улсын СОКА интернейшнл нийгэмлэгийн Ерөнхийлөгч, Японы СОКА нийгэмлэгийн хүндэт Ерөнхийлөгч Икеда Дайсакүд Хүмүүнлэгийн ухаанаар ШУТИС-ийн “Хүндэт доктор”цол олгосон талаар болон ШУТИС-ийн талаар дэлгэрэнгүй мэдээлжээ. Мөн “Хүндэт доктор” олгох ёслолын ажиллагаан дээр ШУТИС-ийн ректор Б.Дамдинсүрэнгийн хэлсэн үгийг гуравдугаар нүүртээ бүрэн эхээр нь нийтэлсэн байна. ШУТИС нь шинжлэх ухаан, техник технологийн чиглэлээр мэргэжилтэн бэлтгэдэг Монгол улсын хамгийн том сургууль бөгөөд бүрэлдэхүүн ба харъяа 17 салбар сургуульд нь нийт 20 гаруй мянган оюутан суралцдаг аж хэмээн уг нийтлэлд мэдээлсэн байна. Дашрамд сонирхуулахад СОКА нийгэмлэг ньдэлхийн томоохон улс орнуудад салбартай 12000 гаруй гишүүтэй юм байна.
Хэвлэл мэдээллийн ажилтан С.Сосор
“Монгол-Хятадын инновац, хөгжлийн форум 2026” амжилттай зохион байгуулагдлаа
ШУТИС-ийн багш, ажилтнуудад төрийн дээд одон, медаль гардууллаа
ШУТИС-ийн профессор Д.Буянтогтох Монгол Улсын “Гавьяат багш” цолоор шагнагдлаа
ШУТИС-ийн профессор Х.Жаргалсайхан Хөдөлмөрийн гавьяаны Улаан тугийн одонгоор шагнагдлаа
ШУТИС-ийн ахмад багш, доктор, профессор Ш.Чадраабал “Шинжлэх ухааны гавьяат зүтгэлтэн” цолоор шагнагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
