ЭЛСЭЛТИЙН ВЭБ ЧУХАЛ ХОЛБООС
Дэвшилтэт технологи,иннвацийн бүтээгдэхүүн-2008
Хуваалцах
  "Дэвшилтэт технологи,иннвацийн бүтээгдэхүүн-2008" үзэсгэлэн, " Инновацийн хөгжил ба Монгол Улс" эрдэм шинжилгээний хурал 2008 оны 11-р сарын 6-8-ны өдрүүдэд Мэдээллийн технологийн Үндэсний паркад болж өндөрлөлөө. Энэхүү арга хэмжээг БСШУЯ, ШУТИС хамтран зохион байгуулж, МУИС, ШУА, ШУА-ийн ФТХ хамтран зохион байгуулагчаар оролцсон юм. Хурлын гол зорилго нь Монгол Улсын Засгийн газраас боловсруулсан "Монгол Улсын шинжлэх ухаан технологийг 2007-2020 онд хөгжүүлэх мастер төлөвлөгөө", "Монгол улсад үндэсний инновацийн тогтолцоог хөгжүүлэх хөтөлбөр /2008-2015 он/" болон "ШУТИС-ийн эрдэм шинжилгээний ажлыг 2007-2015 онд хөгжүүлэх хөтөлбөр"-ийг хэрэгжүүлэх ажлын хүрээнд манайд нанотехнологи ямар төвшинд хөгжиж байгаа, цаашид энэ чиглэлээр хийгдэх ажлын талаар манай орны болон гадаадын эрдэмтэд, судлаачдын эрдэм судлалын бүтээлийг хэлэлцэхэд оршиж байсан юм. Хуралд манай орны гол их сургуулиуд, эрдэм шинжилгээний байгууллагын эрдэмтэд, БНХАУ, ОХУ, БНСУ, ХБНГУ, АНУ, Ирландын вант улс зэрэг орнуудын судлаачдын хамтарсан бүтээл оролцсон нийт 50 гаруй илтгэл тавигдлаа. Үзэсгэлэнг нээж БСШУ-ны сайд Ё.Отгонбаяр үг хэлсэн. Нээлтийн туузыг мөн Ё.Отгонбаяр сайд, МҮХАҮТ-ын дарга С.Дэмбэрэл, ШУА-ын Ерөнхийлөгч Б.Чадраа, ШУТИС-ийн ректор Б.Дамдинсүрэн нар хайчилсан юм.  Хурлыг нээж ректор Б.Дамдинсүрэн хэлэхдээ, 2007 оны 1-р сард Монгол улсын ШУТ-ийг 2007-2020 онд хөгжүүлэх Мастер төлөвлөгөө, Монгол улсад Үндэсний инновацийн тогтолцоог 2008-2015 онд хөгжүүлэх хөтөлбөр, Үндэсний хөгжлийн цогц бодлого зэрэг улсын хэмжээний ШУТ, инновацийн чухал баримт бичгүүд батлагдан та бидний өдөр тутмын үйл ажиллагааны чиглэл болон хэрэгжиж, үр дүнгээ өгч эхлээд байна.

Монгол улсад Үндэсний инновацийн тогтолцоог 2008-2015 онд хөгжүүлэх хөтөлбөр нь дотроо 4 дэд хөтөлбөртэй ба үүний нэг нь "Дэвшилтэт технологийг хөгжүүлэх дэд хөтөлбөр" юм. Уг дэд хөтөлбөр нь дотроо нанотехнологи, биотехнологи, мэдээлэл харилцаа холбоо гэсэн 3 үндсэн чиглэлтэй.

2008 онд дэд хөтөлбөрийн хүрээнд БСШУЯ-наас Нанотехнологийн чиглэлээр төсөл шалгаруулан, төслүүд нь одоо үйл ажиллагаагаа эхлүүлээд байна.

"Нанотехнологийн хөгжил ба Монгол улс" сэдэвт эрдэм шинжилгээний хурал нь Монгол улсад нанотехнологийн төсөл хэрэгжиж эхлэж байгаа цаг мөчид зохион байгуулагдаж байгаагаараа онцлогтой юм.

Энэ хурлын үр дүнд манай орны эрдэмтэн судлаачдад судалгаа шинжилгээний үйл ажиллагаагаа уялдуулан хамтын ажиллагааг улам эрчимжүүлэх боломж нээгдэнэ гэж найдаж байна гэсэн юм.

СҮҮЛД НЭМЭГДСЭН

ШУТИС-д UNESCO-ICHEI тэргүүтэй байгууллагуудын төлөөлөгчид зочлов

Монгол улс дахь Францын элчин яаманд ШУТИС-ийн ректор Т.Намнан зочиллоо

“Хиймэл оюунаар дээд боловсролын экосистемийг дэмжих нь” сэдэвт Зүүн Азийн дээд түвшний бодлогын хэлэлцээр зохион байгуулагдлаа

ШУТИС-ийн баг “Baku Gym for Challenge–2025” олон улсын тэмцээнээс Алтан медаль хүртлээ

ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
БУСАД МЭДЭЭ ...
хаах
ЧУХАЛ ХОЛБООС
САЛБАР СУРГУУЛЬ
БҮРЭЛДЭХҮҮН СУРГУУЛЬ
ЭРДЭМ ШИНЖИЛГЭЭНИЙ ХҮРЭЭЛЭНГҮҮД
Бидний тухай
ЗАСАГЛАЛ
Сургалт
ЭРДЭМ ШИНЖИЛГЭЭ, ИННОВАЦИ
Оюутан
ХАМТЫН АЖИЛЛАГАА
САНХҮҮ, ХӨРӨНГӨ ОРУУЛАЛТ
МАНАЙ ХАЯГ
  • Шинжлэх Ухаан Технологийн Их Сургууль 8-р хороо, Бага тойруу, Сүхбаатар дүүрэг Улаанбаатар, Монгол улс 14191
  • Ш/х : 46/520
  • Утас : (976)-11-324590
МАНАЙ СҮЛЖЭЭНД НЭГДЭЭРЭЙ
МЭДЭЭ ХҮЛЭЭН АВАХ И-МЭЙЛ:
news@must.edu.mn
must

ШИЛЭН ДАНСНЫ МЭДЭЭЛЭЛ

must

АВИЛГАТАЙ ТЭМЦЭХ ГАЗАР

ШУДАРГА НИЙГМИЙН ТӨЛӨӨ ХАМТДАА
must

ХӨРӨНГӨ, ОРЛОГЫН МЭДҮҮЛЭГ

ХУВИЙН АШИГ СОНИРХОЛЫН МЭДҮҮЛЭГ

© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв