Батлан Хамгаалах Яам, Монгол Цэргийн Музей болон ШУТИС-ийн Нийгмийн Технологийн сургууль нь хоёр жилийн өмнө хамтын ажиллагааны гэрээ байгуулсан билээ. Хамтын ажиллагааны хүрээнд хамтарсан археологийн малтлага судалгаа явуулж, тэдгээрийг сурталчлан таниулах ажлыг хийдэг. Энэ удаа "НҮҮДЭЛЧДИИН ӨВ-2" нэртэйгээр хоёр дахь үзэсгэлэнгээ дэлгэн, үзэгч олноо сонирхууллаа.
Үзэсгэлэнд БХЯ, Монгол Цэргийн Музей, ШУТИС -ийн Нийгмийн Технологийн Сургуультай хамтран 2012 онд Булган аймгийн Дашинчилэн сумын Элст ap гэдэг газар явуулсан судалгаагаар Хүннү булшнаас илэрсэн эд өлгийн зүйлс, Төв аймгийн Заамар сумын Хэрмэн дэнжийн балгасад хийсэн археологийн малтлага судалгаагаар илрүүлсэн эд өлгийн зүйлс, Улаанбаатар хот орчмийн археологийн авран хамгаалах малтлага судалгаа ба 2013 онд Сонгинохайрхан дүүргийн Зүүн салаанд явуулсан Хүннү булшнаас илэрсэн эд хэрэглэгдэхүүнүүд дэлгэн тавьжээ.
Хүннүгээс Дундад эртний үеийг хүртэлх хугацааг хамарсан олон арван сонирхолтой эд зүйлс энд тавигдсанаас Хүннү гүрний үеийн чулуун эдлэл, бүс, чулуун болон шилэн зүүлт, нумын наалт, төмер болон ясан эдлэл, Уйгур болон Кидан гүрний үеийн барилгын тоосго, чимэглэл, Монгольш эзэнт гүрний үеийн үйсэн хоромсог зэргийг онцлон дурьдаж болно.
“Монгол-Хятадын инновац, хөгжлийн форум 2026” амжилттай зохион байгуулагдлаа
ШУТИС-ийн багш, ажилтнуудад төрийн дээд одон, медаль гардууллаа
ШУТИС-ийн профессор Д.Буянтогтох Монгол Улсын “Гавьяат багш” цолоор шагнагдлаа
ШУТИС-ийн профессор Х.Жаргалсайхан Хөдөлмөрийн гавьяаны Улаан тугийн одонгоор шагнагдлаа
ШУТИС-ийн ахмад багш, доктор, профессор Ш.Чадраабал “Шинжлэх ухааны гавьяат зүтгэлтэн” цолоор шагнагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
