ШУТИС-ийн оюутнуудын хичээлийн хоцрогдол арилгах зорилготойгоор “Багшийн туслах оюутан клуб” үйл ажиллагааг явуулж байгаа билээ. Тус клубийн үйл ажиллагааг сайжруулах, удирдан чиглүүлэх үүднээс ОХҮА-наас тогтмол дэмжлэг туслалцаа үзүүлж хамтран ажиллаж байна.
Бид тус клубийн үйл ажиллагааг 2013-2014 оны хичээлийн жилд Т-306 тоот өрөөнд хуваарийн дагуу явуулж байна. Тус клубийн сургалтанд хамрагдах оюутны тоо цөөн байна. Сургалтанд ихэвчлэн хичээлдээ тогтмол сууж идэвхтэй суралцдаг оюутнууд хамрагдаж, хичээлдээ суудаггүй хоцрогдолтой оюутнууд тэр бүр ирэхгүй байгаа тул мэргэжлийн багш нар бидэнтэй хамтран ажиллаж оюутнуудыг хамруулах талаар анхааран ажиллахыг хүсэж байна.
Клубийн үйл ажиллагааг нийтэд мэдээллэхийн тулд зарлал, тухайн сургуулиудад нь мэдэгдэх ажил хийж байсан бол одооноос эхлэн тус клубийн багш оюутнууд өдөр бүр “Багшийн туслах оюутан клуб” нэртэй энгэрийн тэмдгийг тогтмол зүүж оюутнуудад сурталчилж байх арга хэмжээг авлаа.
“Багшийн туслах оюутан клуб”-д хичээл зааж буй оюутнуудад заах арга зүйн сургалтыг тогтмол МС-ийн А.Эрдэнэсувд багшаар уншуулдаг. Энэ удаад “Удирдан зохион байгуулах үйл ажиллагаа, заах арга зүй”сургалтыг явууллаа.
Цаашид “Багшийн туслах оюутан клуб”-ийн сургалтыг МИС-ийн оюутнуудад хүргэх үүднээс А.Эрдэнэсувд багштай хамтран Математик, Физик, Хэрэглээний механик хичээлүүдийг заах оюутнууд, зөвлөх багш нарыг сонгон клубийн хичээлийг явуулахаар боллоо.
Оюутны хөгжил, үйлчилгээний алба
“Хиймэл оюунаар дээд боловсролын экосистемийг дэмжих нь” сэдэвт Зүүн Азийн дээд түвшний бодлогын хэлэлцээр зохион байгуулагдлаа
ШУТИС-ийн баг “Baku Gym for Challenge–2025” олон улсын тэмцээнээс Алтан медаль хүртлээ
ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
Өвөрмонголын их сургуулийн Үйлс бүтээлийн сургуулийн төлөөлөгчдийг хүлээн авч уулзав.
ШУТИС Узбекстан Улсын Текстил ба хувцас үйлдвэрлэлийн Ассоциацитай харилцан ойлголцлын санамж бичиг байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
