ХБНГУ-н Кемниц хотын Технологийн Их Сургууль, ШУТИС-ийн ЭХИС-ийн удирдлагууд 2013 оны 9-р сарын 16-ны өдөр анхны туршилтын видео уулзалтыг амжилттай явууллаа.
Уулзалтанд Монголын талаас ШУТИС-ийн ЭХИС-ийн Эрдэм шинжилгээ, инновац хариуцсан дэд захирал доктор Б.Бат-Эрдэнэ, ЭСПБ-ийн тэргүүлэх профессор доктор Д.Халзаа, ЭСПБ-ийн профессор доктор Т.Уранчимэг нар байлцсан бол Германы талаас Кемниц хотын Технологийн Их Сургуулийн Компьютерийн Сургуулийн сургалт хариуцсан дэд захирал профессор, доктор Хардт мөн Техникийн Мэдээлэл Зүйн Тэнхимийн доктор Хеллер нар байлцлаа.
Уулзалт хийх хүсэлтийг Германы талаас санаачилсан бөгөөд тус сургууль манай ШУТИС-тай бүхий л талаар хамтран ажиллах сонирхол их байгаагаа илэрхийлж байв. Манай зүгээс хамтын ажиллагааг өргөжүүлэхийн тулд оюутан солилцоог бакалавр, магистр, доктор болон докторын дараах гэсэн түвшингүүдээр ангилан системтэйгээр тогтвортой явуулах хүсэлтэй байгаагаа илтгэв. Мөн Магистрын 1+1 хөтөлбөрийг хэрэгжүүлэх саналаа илэрхийлсэнд Германы тал нааштайгаар хүлээж авсан болно.
Уулзалтын төгсгөлд хоёр сургуулийн видео уулзалтын танхимуудыг ашиглан орон зайнаас үл хамаарсан уулзалт, семинаруудыг тогтмол явуулах, улмаар Германы сургуулиас видео сургалт хичээлүүдийг явуулах талаар хоёр тал цаашдаа анхааран ажиллахаар санал нэгдэн дүгнэлт гаргалаа.
Энэхүү уулзалтыг амжилттай болоход гүн туслалцаа үзүүлсэн ШУТИС-ийн Е-сургуулийн хамт олонд ЭХИС-ийн удирдлагын зүгээс талархаж байгаагаа илэрхийлж байна.
ЭХИС-ийн захиргаа
Англи хэлний эрчимжүүлсэн сургалт амжилттай зохион байгуулагдав
ШУТИС Япон улсын Олон Улсын Харилцаа, Хөгжлийг Дэмжих Нийгэмлэгтэй хамтран ажиллах санамж бичиг байгууллаа
Улсын химийн XXXV олимпиадаас ШУТИС-ийн оюутнууд 2 алт, 2 мөнгө, 6 хүрэл медаль хүртлээ
“1 хувийн татвар – Нийгмийн хөгжилд” хэлэлцүүлэг зохион байгуулагдлаа
Хятад хэлний “Гадаад хэл сурахуй ба AI” сэдэвт постер илтгэлийн уралдаан амжилттай боллоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
