ШИНЖЛЭХ УХААН, ТЕХНОЛОГИЙН ИХ СУРГУУЛЬ

Оюу Толгой компани мэдээлэл хийж оюутан залуусын сонирхсон асуултад хариулт өглөө.

Оюу Толгой компани нь Монголын мэргэжлийн боловсрол болон сургалтыг дэмжин хөрөнгө оруулалтын гэрээ, Монгол улсын Боловсрол, Соёл, Шинжлэх Ухааны Яамтай 2010 онд байгуулсан харилцан ойлголцлын санамж бичгийн хүрээнд шилдэг оюутан залууст зориулан үндэсний тэтгэлэгт хөтөлбөр хэрэгжүүлж байна. Энэ ажлын хүрээнд Оюутолгой компаний Л.Удвал / Сургалтын ахлах мэргэжилтэн/, Ё.Лхамаа /сургалт хариуцсан мэргэжилтэн/, Керн Вон Хаген /Сургалтын хэлтсийн менежер/ нар 2013.09.10, 11-ний өдрүүдэд ШУТИС-ийн Урлаг зааланд Оюутолгойн тэтгэлэгт хөтөлбөр болон бусад боломжуудын талаарх дэлгэрэнгүй мэдээлэл хийж оюутан залуусын сонирхсон асуултад хариулт өглөө.

2013-2014 оны хичээлийн жилд энэхүү хөтөлбөрт 35 оюутан сонгон шалгаруулж авна.

Уг тэтгэлэгт:

Жилийн сургалтын төлбөр
Сар бүр 200.000 төгрөгийн тэтгэлэг
Хөдөө орон нутгийн оюутнуудын дотуур байрны төлбөр багтана
Сонгогдсон оюутнууд Оюу Толгой компанид дадлага хийх боломж

Тэтгэлэгт хөтөлбөрийн ерөнхий шалгуур:

Монгол улсын иргэн байх
Дотоодын магадлан итгэмжлэгдсэн их, дээд сургуулийн 2, 3, 4 дүгээр дамжааны өдрийн ангийн оюутан байх
Уул уурхай, Металлурги, Баяжуулалт, Геологи, Механик, Цахилгаан, Хими, Байгаль орчин, Барилгын инженерийн чиглэлээр суралцаж байх
Сурлагын голч дүн 3.2-оос дээш байх
Бусад тэтгэлэгт хөтөлбөрт хамрагдаагүй байх

Бүрдүүлэх материал:

Анкет (Анкетын маягтыг татаж аваад бүрэн гүйцэд бөглөнө үү)
Одоо суралцаж байгаа мэргэжлээ яагаад сонгосон, сургуулиа төгсөөд эзэмшсэн мэргэжлийнхээ дагуу хэрхэн ажиллахаар төлөвлөж байгаа, энэхүү зорилгодоо хүрэхийн тулд хэрхэн ажиллаж байгаа талаараа 500-600 үгэнд багтаан зохион бичлэг бичнэ үү. Зохион бичлэгийг Times New Roman 11 фонтоор, мөр хоорондын зай 1.5-аар бичнэ
Сургуулийн тодорхойлолт
Суралцсан хугацааны албан ёсны дүнгийн хуулбар
Суралцсан хугацаанд гаргасан амжилт, авсан шагнал урамшууллын хуулбар
Иргэний цахим үнэмлэхний хуулбар

ӨРГӨДӨЛ ХҮЛЭЭН АВАХ ЭЦСИЙН ХУГАЦАА: 2013 оны 9-р сарын 20-ны өдрийн 17:00 цаг.

Сонирхсон оюутнууд өргөдлийн материалыг монгол хэл дээр бүрэн гүйцэд бүрдүүлэн дараах хаягаар ирүүлнэ үү:

Оюу Толгой ХХК, Улаанбаатар-13381, Баянзүрх дүүрэг, 1-р хороо, Залуучуудын өргөн чөлөө-26, Сөүл Бизнес Төв - 7 давхар. Утас: 331880 (3356, 3641)

Анхан шатны шалгаруулалтанд тэнцсэн оюутнуудыг ярилцлаганд урина.
Хугацаанаас хоцорсон болон дутуу бүрдүүлсэн материалыг хүлээж авахгүй.
Ирүүлсэн материалыг буцаан олгохгүй.

ШУТИС-ийн НТА

СҮҮЛД НЭМЭГДСЭН

Япон улсын Үцүномияа их сургуулийн дэд профессор Футоши Ишигүри ШУТИС-ийн хүндэт профессор цол хүртлээ

ШУТИС-д "Суралцагч төвт сургалт" (LCL 2026) олон улсын семинарыг амжилттай зохион байгууллаа

БНСУ-ын Чусон их сургуультай хамтарсан хөтөлбөр, оюутан солилцооны чиглэлээр хамтран ажиллах гэрээ байгууллаа

Япон улсын Кюүшү их сургуулийн төлөөлөгчид ШУТИС-д айлчлав

Монголд анх удаа зүтгүүрийн жолоодлогын сургалтын цогц төхөөрөмжийг “Мози Воркшоп”-төслийн хүрээнд нэвтрүүлж байна

БУСАД МЭДЭЭ ...

Оюу Толгой компани мэдээлэл хийж оюутан залуусын сонирхсон асуултад хариулт өглөө.

СҮҮЛД НЭМЭГДСЭН

САЛБАР СУРГУУЛЬ

БҮРЭЛДЭХҮҮН СУРГУУЛЬ

ЭРДЭМ ШИНЖИЛГЭЭНИЙ ХҮРЭЭЛЭНГҮҮД

Бидний тухай

ЗАСАГЛАЛ

Сургалт

ЭРДЭМ ШИНЖИЛГЭЭ, ИННОВАЦИ

Оюутан

НОМЫН САН

ХАМТЫН АЖИЛЛАГАА

САНХҮҮ, ХӨРӨНГӨ ОРУУЛАЛТ

МАНАЙ ХАЯГ

МАНАЙ СҮЛЖЭЭНД НЭГДЭЭРЭЙ

МЭДЭЭ ХҮЛЭЭН АВАХ И-МЭЙЛ: