Шинжлэх ухаан, технологийн ахлах сургуулийн 2013-2014 оны хичээлийн шинэ жилийн нээлт Төв номын сангийн 3 давхарт есдүгээр сарын 2-ны өдөр боллоо. Нээлтийн ажиллагаанд ШУТИС-ийн Удирдах зөвлөлийн дарга Д.Одхүү, ШУТИС-ийн ректор Б.Очирбат, ШУТИС-ийн захиргаа, хяналт шинжилгээ, үнэлгээний газрын дарга Б.Чинзориг, Бизнес, инновацийн газрын дарга Д.Хашбаяр, Ахлах сургуулийн захирал Г.Адьяахүү, Шинжлэх ухаан технологийн төв номын сангийн захирал Ч.Гулнар нар оролцож шинээр элсэн орж байгаа сурагчдад хичээлийн шинэ жилийн баярын мэнд хүргэв.
Шинжлэх ухаан технологийн ахлах сургууль байгалийн шинжлэх ухааны суурь мэдлэг сайтай, техник технологид сонирхолтой, авъяас чадвартай сурагчдыг элсүүлэн дэлхий дахинд хүлээн зөвшөөрөгдсөн шинжлэх ухаан технологийн ахлах сургуулиудын тусгай хөтөлбөрөөр сургах юм. Төгсөгчид нь дотоодын болон дэлхийн шилдэг их, дээд сургуулиудад техник технологийн чиглэлээр элсэн суралцаж улмаар Монгол Улсын технологийн хөгжлийг жолоодох өндөр мэдлэг чадварыг эзэмшин гарах давуу талтай. Шинжлэх ухаан технологийн ахлах сургууль шинэ хичээлийн жилийн эхний долоо хоногийг түвшин тогтоох долоо хоног болгон зарласан байна. Энэ долоо хоногт элсэн орсон сурагчдын математик, физик, хими, монгол хэл, англи хэл гэсэн үндсэн таван хичээлээр ямар түвшинд байгаа нь тодорхойлогдох аж.
Япон улсын Үцүномияа их сургуулийн дэд профессор Футоши Ишигүри ШУТИС-ийн хүндэт профессор цол хүртлээ
ШУТИС-д "Суралцагч төвт сургалт" (LCL 2026) олон улсын семинарыг амжилттай зохион байгууллаа
БНСУ-ын Чусон их сургуультай хамтарсан хөтөлбөр, оюутан солилцооны чиглэлээр хамтран ажиллах гэрээ байгууллаа
Япон улсын Кюүшү их сургуулийн төлөөлөгчид ШУТИС-д айлчлав
Монголд анх удаа зүтгүүрийн жолоодлогын сургалтын цогц төхөөрөмжийг “Мози Воркшоп”-төслийн хүрээнд нэвтрүүлж байна
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
