Бүгд Найрамдах Словак Улсын Шадар сайд, Гадаад хэргийн сайд ноён Мирослав Лайчак тэргүүнтэй төлөөлөгчид ШУТИС-д 2013 оны 4 дүгээр сарын 29-ний өдөр айлчиллаа. Хүндэт зочдыг ШУТИС-ийн ректор Т.Батбаяр, тэргүүн проректор Д.Батчулуун, сургалтын проректор Я.Наранцэцэг болон бүрэлдэхүүн сургуулийн захирлууд хүлээн авч уулзлаа.
Энэ үеэр ШУТИС-ийн Математикийн сургуульд лабораторийн тоног төхөөрөмж авахад нь зориулж 5 мянган еврогийн чек гардуулсан юм. Бүгд Найрамдах Словак Улсын Шадар сайд, гадаад хэргийн сайд ноён Мирослав Лайчак “Өнөөдөр биднийг хүлээн авч уулзаж байгаа та бүхэнд талархаж байгаагаа хэлмээр байна. Монгол Улс болон Бүгд Найрамдах Словак Улс олон жилийн найрамдалт харилцаатай. Мөн олон зуун монгол оюутан манай улсад ирж суралцаад өөрийн орны хөгжил цэцэглэлтэд гар бие оролцож байна. Танай улс ардчиллыг хөгжүүлэх, эдийн засгийг улам сайжруулахад ямар ажил хийгдэж байгааг өөрийн биеэр үзэж байгаад таатай байна. Манай улс танай боловсролын салбарт хөрөнгө оруулалтыг хийсээр ирсэн. Өнөөдөр Бүгд Найрамдах Словак Улсын их сургуульд монголын 12 оюутан суралцаж байна. Энэ тоо цааашид улам нэмэгдэнэ гэдэгт итгэлтэй байна.
Өнгөрсөн жил бид бүхэн лабораторийн тоног төхөөрөмжийг шинэчлэх тал дээр тусламж үзүүлсэн. Энэ удаад ч гэсэн лабораторийн тоног төхөөрөмжийг шинэчлэн сайжруулах, оюутнуудын таатай орныг бүрдүүлэхэд хувь нэмэр оруулахаар ирсэн юм. Эцэст нь хэлхэд бидний энэ айлчлал сүүлийн 20 жилд хийгдсэн төрийн томоохон айлчлал болж байна” гэж хэлэв.
Япон улсын Үцүномияа их сургуулийн дэд профессор Футоши Ишигүри ШУТИС-ийн хүндэт профессор цол хүртлээ
ШУТИС-д "Суралцагч төвт сургалт" (LCL 2026) олон улсын семинарыг амжилттай зохион байгууллаа
БНСУ-ын Чусон их сургуультай хамтарсан хөтөлбөр, оюутан солилцооны чиглэлээр хамтран ажиллах гэрээ байгууллаа
Япон улсын Кюүшү их сургуулийн төлөөлөгчид ШУТИС-д айлчлав
Монголд анх удаа зүтгүүрийн жолоодлогын сургалтын цогц төхөөрөмжийг “Мози Воркшоп”-төслийн хүрээнд нэвтрүүлж байна
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
