Европын холбооны Бүгд Найрамдах Словак улсын “Slovak Agency for International Development Cooperation” хөтөлбөрийн хүрээнд жил бүр хөгжиж буй орнуудад тоног төхөөрөмж хандивлах, бага хэмжээний төслийн санхүүжүүлэх ажлыг зохион байгуулдаг. Энэ хөтөлбөрт ШУТИС-ийн Математикийн сургуулийн Хэрэглээний механикийн профессорын багаас бичсэн төсөл шалгарч, тус багийн “Машин механизмын онол”-ын лабораторид 9,000,000 төгрөгийн өртөг бүхий бага оврын CNC машинууд хандивлалаа. Уг төхөөрөмжүүдийг Австри улсын “Thecooltool” компанид үйлдвэрлэсэн, компьютерийн удирдлагатай, зорох, өрөмдөх, харуулдах үйлдлүүдийг гүйцэтгэдэг төхөөрөмж юм.
2012 оны 11-р сарын 27-нд Бүгд Найрамдах Словак улсын Бээжин дэх Элчин сайдын яамны дэд тэргүүн Томас Феликс ирж төслийн үйл ажиллагаа, хэрэгжилттэй биечлэн танилцаж Европын холбооны Бүгд Найрамдах Словак улсын “Slovak Agency for International Development Cooperation” хөтөлбөрийг ШУТИС-ийн Математикийн сургуульд цаашид үргэлжлүүлэх, “Машин механизмын онол”-ын лабораторийн техник, тоног төхөөрөмжийг шинэчлэн сайжруулах талаар санал солилцлоо.
ШУТИС-ийн Математикийн сургуулийн
Хэрэглээний механикийн баг.
Их сургуулийн дижитал шилжилт” сэдэвт семинар амжилттай боллоо
Үндэсний үйлдвэрүүд нэгдэн ШУТИС-д 1 тэрбум төгрөгийн дэмжлэг oлгож, хамтран ажиллах гэрээ байгууллаа
ШУТИС-ийн оюутны I байрны оюутнууд спортын 4 төрөлтийн наадам амжилттай оролцов
“Газрын тос боловсруулах үйлдвэрийн тооцоо, загварчлалд Aspen Plus программ ашиглах нь” сэдэвт сургалт амжилттай зохион байгуулагдлаа
ШУТИС-ийн Геологи, уул уурхайн сургуулийн багш, ажилтнууд олон улсын хамтарсан сургалтад хамрагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
