Эрдэнэт үйлдвэр” ХХК нь “Уурхайн үйлдвэрлэлийн олборлолт, ашиглалт, оновчлол, загварчлал” сургалт явуулах зорилгоор АНУ-ын Аласка Фейрбанксын их сургуулийн Уул уурхай, геологийн тэнхмийн эрхлэгч, Уул уурхай, эрдэс баялгийн үйлдвэр судалгааны төвийн захирал АНУ-ын зөвлөх инженер, доктор, профессор Ражив Гангулийг урив.
Доктор, профессор Ражив Гангули нь Эрдэнэтийн Технологийн Сургууль дээр “Уурхайн олборлолт, үйлдвэрлэлийн бүтээгдэхүүн нэмэгдүүлэх төлөвлөлт, оновчлол, загварчлал” сэдвээр 8 цаг, “Уул уурхайн үйлдвэрлэлд хиймэл оюуны сүлжээг хэрэглэх нь” сэдвээр 8 цаг, “Төслийн техник эдийн засгийн үндэслэл, үнэлгээ, аудит” сэдвээр 8 цагийн лекц уншиж, Эрдэнэт үйлдвэр” ХХК-ийн инженер, техникийн ажилтнуудад зохих хэмжээний оюуны хөрөнгө оруулалт хийв.
Энэ сургалтын явцад Эрдэнэт үйлдвэр” ХХК, Аласка Фейрбанксын их сургуулийн хамтын ажиллагааг эхлүүлэх, цаашид хөгжүүлэх зорилгоор тус үйлдвэрийн Ерөнхий захирлын vйлдвэрлэл эрхэлсэн орлогч, шинжлэх ухааны доктор З.Ганбаатар, доктор, профессор Ражив Гангули нар “Хамтын ажиллагааны санамж бичиг”-т гарын үсэг зурав.
Энэ санамж бичгийн хүрээнд “Хиймэл оюуны сүлжээ” чиглэлээр судалгааны ажил хамтран гүйцэтгэх, Эрдэнэт үйлдвэр” ХХК-ийн 2 инженер техникийн ажилтан АНУ-ын Аласка мужийн засгийн газрын тэтгэлгээр Аласка Фейрбанксын Их Сургуулийн магистрантурт суралцах болсноор хамтын ажиллагаа амжилттай эхлэв.
Энэ үйл ажиллагааг ШУТИС-ийн УУИС-ийн ахлах багш, доктор П.Ариунболор санаачлан Эрдэнэт үйлдвэр” ХХК-ийн Хөгжлийн хэлтэстэй хамтран зохион байгуулав.
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
