АНУ-ын “Trimble” компани, тус компанийн Монгол дахь албан ёсны дистрибютор “Гео-Инструментс” компани хамтран ШУТИС-ийн Уул уурхайн инженерийн сургуулийн Геодези, маркшейдерийн профессорын багт “Trimble” лаборатори шинээр байгуулж өглөө.
Тус лабораторийн нээлт 2012 оны 6 дугаар сарын 05-ны өдөр болж, ШУТИС-ийн ректор Б.Дамдинсүрэн, УУИС-ын захирал Л.Пүрэв, Зам тээвэр, барилга, хот байгуулалтын яамны хот байгуулалт, зам тээврийн газрын ахлах мэргэжилтэн Г.Болормаа, “Trimble” компаний Ази, номхон далайн орнуудыг хариуцсан төслийн менежер John Whitehead, тус компанийн Бээжин дэх оффисын дарга Becky Gao, Монголыг хариуцсан менежер Bin li, Газрын харилцаа, барилга, геодези, зурагзүйн газрын геодези, зурагзүйн хэлтсийн дарга Б.Түмэнжаргал, “Гео-Инструментс” ХХК-ны захирал Ц.Мөнхтогтох болон бусад албаны хүмүүс оролцсон юм.
“Trimble” компани 200 мянган ам.долларын геодезийн багаж тоног төхөөрөмж, програм хангамж бэлэглэж геодези, маркшейдерийн сарлбарын “Trimble” лабораторийг байгуулжээ. Тус лаборатори байгуулагдсанаар геодези, маркшейдер, уул уурхай, геологи, барилга, зам гүүрийн мэргэжилтнүүд ажлын байранд гарч байж эзэмшдэг орчин үеийн технологийг энэхүү лабораториос эзэмших боломжтой боллоо. АНУ-ын “Trimble” компани, тус компанийн Монгол дахь албан ёсны дистрибютор “Гео-Инструментс” компани энэхүү лабораторийг цаашид шинэчлэх, засвар үйлчилгээнд анхаарч сүүлийн үеийн мэдээ мэдээллээр хангах ажээ.
АНУ-ын “Trimble” компани нь 1987 онд байгуулагдаж GPS байрлал тогтоох технологиор дэлхийд тэргүүлэгч юм. “Trimble” төхөөрөмжүүд нь Газрын харилцаа, барилга, геодези, зурагзүйн газар, Одон орон геофизикийн судалгааны төв, Монголын уул уурхайн, зам, барилга, зэрэг төрийн болон аж ахуй нэгжийн үйл ажиллагаанд өргөнөөр ашиглагддаг байна.
ЗХШҮГ
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
