ОХУ-ын Новосибирскийн техникийн их сургуулийн урилгаар “Мэргэжлийн боловсрол болон үйлдвэрлэл дэх мэдээллийн технологи, техникийн дизайн” сэдэвт бүх оросын онол-практикийн бага хуралд БИАС-ийн Инженерийн зурагзүйн багийн ахлах багш Н.Доржбалдан, багш У.Лхагвадорж нар оролцоод ирлээ. Бага хуралд ОХУ-ын 16 хотын 25 техникийн чиглэлийн их сургууль, коллежийн эрдэмтэн, багш нар оролцож илтгэл хэлэлцүүллээ. Монгол Улсын ШУТИС-ийн “Инженерийн зургийн автоматжуулалт хичээлийн сургалт” болон “Техникийн зурагзүйн хичээлийг судалж буй оюутны суурь мэдлэг, чадвар” сэдвээр хоёр багшийн тавьсан илтгэлийг ОХУ-ын багш нар ихэд сонирхож, харилцан санал бодлоо солилцож байлаа.
Мөн Новосибирскийн техникийн их сургуулиас зохион байгуулдаг “Инженерийн график ба график мэдээллийн технологи”-ийн бүх оросын IX, олон улсын анхдугаар олимпиадад ШУТИС-ийн оюутан Ц. Дэмбэрэллхагва “Угсрааны нэгжийн загварчлал”, БИАС-ийн оюутан Э.Энхбаяр “AutoCAD системд деталийн ажлын зургийн боловсруулалт” төрлүүдэд тус тус анх удаа амжилттай оролцлоо. Тус олимпиадад Монгол Улсаас оюутан оролцсоноор олон улсын зэрэглэлтэй боллоо хэмээн зохион байгуулагчид онцлон тэмдэглэж, Монгол Улсын ШУТИС-ийн ректор Б.Дамдинсүрэнд хандан “Талархалын захидал”-ыг илгээсэн байна.
БИАС, Инженерийн зурагзүйн баг
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
