link
ШУТИС-ийн багш нарын дунд зохион явуулсан хөл бөмбөгийн анхдугаар тэмцээн 2011 оны 10 дугаар сарын 8-9-ний өдрүүдэд Тавдугаар сургуулийн хөл бөмбөгийн талбайд болж өнгөрлөө. Дэлхийд цар хүрээгээрээ тэргүүлэгч энэхүү спортын төрлийг ШУТИС-н багш нарын дунд дэлгэрүүлж, ажлын бус цагаар хөл бөмбөгийн спортоор хичээллэж, бүрэлдэхүүн сургуулийн багш нар хоорондоо танилцаж эвтэй найрсаг уялдаа холбоог бий болгоход зорилго нь оршжээ.


Тэмцээнд КТМС, УУИС, МС, МХТС, ЗАА, ОрТС, МИС, НТС-иудын 8 баг тамирчид хоёр зоонд хуваагдан тоглов. Тэмцээн эхлэхээс авхуулаад медалын төлөөх тоглолт хүртэл маш өрсөлдөөн, тэмцэлтэй болж байсан нь оролцож буй тамирчид энэ спортод ямар их сонирхолтой байгаа нь харагдаж байсан юм. Шигшээ тоглолтонд Математикийн сургууль, Компьютер техник, менежментийн сургууль, Эрдэнэтийн технолгийн сургууль, Уул уурхай инженерийн сургуулийн багууд үлдэж алт, мөнгө, хүрэл медалиудын төлөө өрсөлдлөө.

Тэмцээний тэргүүн байрны шилжэн явах цом, алтан медал,өргөмжлөл, мөнгөн шагнал зэргийг Х.Айбек ахлагчтай Эрдэнэтийн технолгийн сургууль хүртэв. Дэд байрт Ш.Билгүүн ахлагчтай Уул уурхай инженерийн сургууль, удаах байрт Математикийн сургууль тус тус шалгарлаа.


Мөн хөлбөмбөгийн шилдгүүдээ шалгаруулсан. Шилдэг мэргэн буучаар ОрТС-ийн тамирчин Д.Болд, шилдэг хамгаалагчаар МС-ийн тамирчин Р. Найдандорж, шилдэг хаалгачаар ОрТС-ийн О.Эрдэнэбаатар нар тус тус шилдэгээр тодорлоо.

Уг тэмцээн нь уламжлал болон явагдах бөгөөд дараа дараагийн тэмцээн өргөн хүрээг хамарч, тоглогчдийн дадлага туршилга, оролцох хүмүүсийн тоо өсөх хандлага гарч байгаа нь тэмцээнд оролцогчдийн сэтгэл ханамжтай байдал, өөр хоорондын ярианаас сонсогдож байлаа.
Тус тэмцээнийг удирдан зохион байгуулсан биеийн тамирын багш М.Амаржаргалд БНЗ-ийн болон тэмцээнд оролцсон нийт тамирчдийн өмнөөс талархал илэрхийлж цаашдын ажил хөдөлмөрт нь хамгийн өндөр амжилтийг хүсэн ерөөе.
ЗХШҮГ
Mongolian University of Science and Technology and Ural Federal University Discuss Renewing Their Cooperation Agreement and Expanding Academic Collaboration
Mongolian University of Science and Technology and the Turkish Cooperation and Coordination Agency Discuss Cooperation in STEM Education and Innovation
Rector of National Research University "Moscow Power Engineering Institute" N.D. Rogalev Receives the "Excellence in Education Award of Mongolia"
The 5th International Workshop on Learner-Centered Learning (LCL 2026) Held at MUST
Professors from Poland’s University of Information Technology and Management Visit MUST under the GreenTech Horizons Erasmus+ Project