БНCУ-ын Сөүл хотноо 2010 оны 12-р сарын 2-5-нд олон улсын зохион бүтээгчдийн шилдэг бүтээл шалгаруулах “Seoul international invention fair 2010 (SIIF)” үзэсгэлэн яармаг болж өнгөрчээ. Тус үзэсгэлэн яармагт Орос, Хятад, Япон, Герман, Швед, Унгар, Испани, Польш, Украин зэрэг 36 орны 651 бүтээл оролцон тавигдсан байна. Олон улсын зохион бvтээгчдийн vзэсгэлэнд манайхан анх удаа оролцоод, есєн медальтай иржээ. ШУТИС-ийн Математикийн сургуулийн профессор академич Ч.Авдай, Техникийн механикийн салбарын эрхлэгч доктор профессор Г.Чимэд-Очир нарын боловсруулсан “Чацарганы цэвэр тос” бүтээгдэхүүнийг шилдэг бүтээлээр шалгаруулан алтан медаль хүртээжээ. Мөн ШУТИС-ийн Үйлдвэрлэлийн технологи, дизайны сургуулийн Хөнгөн үйлдвэрийн машин судлал, хэвлэлийн технологийн профессорын багийн дэд профессор Б.Эрдэнэцэцэгийн “Эсгийн ба эрүүл мэнд” цуврал бүтээл алтан медалийн эзэн болов.