link
“Шинжлэх ухаан, технологи, инновацийн экосистем” Олон улсын анхдугаар чуулганд хүрэлцэн ирсэн АНУ-ын Harness, Dickey & Pierce хуульзүйн компанийн патентийн хуульч хатагтай Элизабеть Оделлын “Оюуны өмчийг хамгаалахад анхаарал хандуулах нь” сэдэвт лекцийг Гадаад харилцаан, хамтын ажиллагааны албанаас АйПи консалтын (IP Consulting LLC) оюуны өмчийн зөвлөх компани болон Монголын Оюуны өмчийн газартай хамтран оюуны өмчийн чиглэлээр үйл ажиллагаа явуулдаг албан байгууллага, хуульчид болон ШУТИС-ийн бүрэлдэхүүн сургуулиудын багш, оюутнуудад зориулан 2015 оны 11 дүгээр сарын 25-ны өдөр амжилттай зохион байгууллаа.

Тус лекцээр хатагтай Оделл оюуны өмчийг хэрхэн хамгаалах, тулгамдаж буй асуудлууд, энэ чиглэлд анхаарал хандуулаж цаашид хэрхэн ажиллах талаар жишээ судалгаан дээр танилцуулж, асуулт хариулт явуулж оролцогчидод дэлгэрэнгүй мэдээ мэдээлэл, зөвлөмж өгөв.

Хатагтай Оделл нь олон улс болон үндэстний түвшинд хүлээн зөвшөөрөгдсөн хуульч бөгөөд зохиогчийн эрхийг хамгаалах, худалдааны тэмдэг, патентийн эрх авахад үйлчлүүлэгч нарт тусламж үзүүлдэг. Тэрээр АНУ-ын Патент, Худалдааны тэмдэгтийн алба, Миссоури мужийн шүүх, Миссоури мужийн зүүн дүүргийн шүүхэд ажиллаж байсан. Мөн гэрээ хэлэлцэх, шүүн таслах, үйлчлүүлэгч нарт зөвөлгөө өгөх зэрэгт арвин туршлагатай бөгөөд харилцагчиддаа хуулийн өмгөөлөл үзүүлэхдээ емайл-ээр эсвэл биетээр уулзах, эсвэл сүлжээ ашиглах зэрэг харилцааны хэлбэрүүдийг ашигладаг.
Гадаад харилцаа, хамтын ажиллагааны алба
Mongolian University of Science and Technology and Ural Federal University Discuss Renewing Their Cooperation Agreement and Expanding Academic Collaboration
Mongolian University of Science and Technology and the Turkish Cooperation and Coordination Agency Discuss Cooperation in STEM Education and Innovation
Rector of National Research University "Moscow Power Engineering Institute" N.D. Rogalev Receives the "Excellence in Education Award of Mongolia"
The 5th International Workshop on Learner-Centered Learning (LCL 2026) Held at MUST
Professors from Poland’s University of Information Technology and Management Visit MUST under the GreenTech Horizons Erasmus+ Project