Бүгд Найрамдах Эквадор Улсаас Бүгд Найрамдах Хятад Ард Улсад суугаа Элчин Сайд Хосе Мариа Борха  Лопестэй  БСШУ-ны Дэд Сайд Б.Тулга 2015 оны 7 сарын 8-ны өдөр уулзаж тус улсын санхүүжилтээр хэрэгжүүлэх “ Промотео төсөл” /Prometeo project/-д Монголын төрийн өмчийн их сургуулиудыг оролцуулах хүсэлт тавьсан.

        Уг төсөл нь эрдэм шинжилгээ, боловсрол, мэдлэг дамжуулалтыг суурь шинжлэх ухаан, амьдралын шинжлэх ухаан /Life sciences/, байгалийн шинжлэх ухаан, инновацийн бүтээгдэхүүн, боловсрол болон арт-соёл гэсэн тэргүүлэх чиглэлүүдэд эрчимтэй хөгжүүлж хамтын ажиллагааг Эквадорын засгийн газраас дэмжих зорилготой санаачилга юм.

        ШУТИС-аас оролцох сонирхолтой эрдэмтэн, багш судлаач нар төслийн дэлгэрэнгүй танилцуулга болон хамрагдах хүсэлт /application/-ээ онлайнаар бүртгүүлснээр хэрэгжих боломжтой тул http://prometeo.educacionsuperior.gob.ec  хаягаар орж үзнэ үү.

ЭШАлба