Тулгар төрийн 2223 жилийн ой, Их Монгол Улс байгуулагдсаны 808 жил, Ардын хувьсгалын 93 жилийн ой, Үндэсний их баяр наадамыг тохиолдуулан Монгол Улсын Ерөнхийлөгчийн зарлигаар ГУУС-ийн профессор Ч.Минжин, БАС-ийн профессор И.Гончигбат нар “Хөдөлмөрийн гавьяаны улаан туг”-ийн одонгоор, ШУТИС-ийн ректор Б.Очирбат, Оюутны хөгжил, олон нийттэй харилцах проректор Т.Намнан, Сургалтын бодлого, зохицуулалтын газрын дарга Д.Ганхуяг, БАС-ийн ахлах багш Л.Дамдинсүрэн, П.Болд, ҮТС-ийн дэд профессор С.Сүх-Очир, профессор Д.Цэцгээ, Ноос ноолуурын сорилтын төвийн ахлах шинжээч З.Удвал, МХТС-ийн ахлах багш Б.Жимээ нар “Алтангадас” одонгоор тус тус шагнагдлаа. Шагнал авсан багш нарыг ШУТИС-ийн ректорын зөвлөл 2014 оны 7 дугаар сарын 8-ны өдөр хүлээн авч хүндэтгэл үзүүлэн алд цэнхэр хадаг, мөнгөн аягатай цагаан идээг өргөн барилаа.