Монроуд ХХК нь Монгол Улсын зам барилгын салбарт тэргүүлэх компаниудын нэг бөгөөд өндөр хүчин чадалтай зам барилгын машин механизм, тоног төхөөрөмжөөр бүрэн хангагдсан, зам барилгын мэргэжлийн боловсон хүчин, инженер техникийн ажилтны тоогоор авто замын салбартаа тэргүүлдэг компаниудын нэг юм.

     Монроуд ХХК-ны тэтгэлэгт хөтөлбөрийн зорилго нь оюутнуудад сургалтын тэтгэлэг өгөх, улмаар суралцагчдын сургалтын чанарыг сайжруулах, тэдний суралцах ая тухтай нөхцөлийг бүрдүүлэх, цаашид тогтвортой ажлын байраар хангах зорилготой. Уг тэтгэлэгт хөтөлбөрийг 2013 оноос олгож эхэлсэн бөгөөд 2013 онд 9 оюутанд тэтгэлэг олгож байсан бол 2014 онд 6 оюутанд 2014-2016 оны хичээлийн жилийн 2 жилийн сургалтын төлбөрийн тэтгэлгийг олгохоор болжээ.

     Тэтгэлэг гардуулах ёслолын ажиллагаа 2014 оны 6 дугаар сарын 13-ны өдөр ШУТИС-ийн төв байрны Эрдмийн зөвлөлийн өрөөнд болж “Монроуд” ХХК-ийн  Техник хариуцсан менежер Г.Отгонбаатар, ШУТИС-ийн проректор доктор, дэд профессор Т.Намнан, УУИС-ийн Эрдэм шинжилгээ, инноваци эрхэлсэн дэд захирал доктор Д.Гэрэлт-Од болон бусад албаны хүмүүс оролцож уг тэтгэлгийн батламжийг дараах 6 оюутанд гардууллаа. Мөн эдгээр оюутнууд мэргэжлийнхээ дагуу тус компани дээр дадлага хийхээр боллоо. 

Шалгарсан оюутанууд нь:

• УУИС-ийн Геодези, Геодезийн мэдээлэл зүйн ангийн III курсын оюутан Ганбат овогтой Өнөржаргал
• УУИС-ийн Геодезийн ангийн III курсын оюутан Гомбосүрэн овогтой Наранцацрал
• УУИС-ийн Геодезийн ангийн III курсын оюутан Цогтсайхан овогтой Мандахнаран
• УУИС-ийн Геодезийн мэдээлэл зүйн ангийн III курсын оюутан Түмэнжаргал овогтой Ариунжаргал
• УУИС-ийн геодезийн III курсын оюутан Болдбаатар овогтой Анхбаяр
• БИАС-ийн АЗБИ-ийн ангийн IV курсын оюутан Эрдэнэбилэг овогтой Сайнбат нар тэтгэлэг гардан авлаа.