УИХ-ын дарга З.Энхболд “Ардчилсан хувьсгалын түүх” сэдвээр ШУТИС-ийн эрдэмтэн багш, оюутан залуустай уулзалт ярилцлага хийлээ. Уулзалт 2013 оны 12 дугаар сарын 03-ны өдөр ШУТИС-ийн хурлын зааланд болов. Тус уулзалт ярилцлагад ШУТИС-ийн эрдэмтэн багш нар болон бүрэлдэхүүн 13 сургуулийн оюутан залуучууд оролцлоо. Уулзалтанд хүрэлцэн ирсэн багш оюутнууд УИХ-ын даргаас ардчилсан хувьсгалын түүхийн тухай болон өөрсдийн сонирхосон асуултанд хариулт авлаа.

Мөн УИХ-ын даргыг ШУТИС-ийн ректор Б.Очирбат хүлээн авч уулзан номын дээжээр бэлэг барилаа. Энэ үеэр УИХ-ын дарга З.Энхболд ШУТИС-д шинээр ашиглалтанд орж буй оюутны загвар хоолны газар болох “Оюутны эрдэм зоог”-ын үйл ажиллагаатай танилцлаа.