link
НҮБ-ын Хүнс Хөдөө Аж Ахуйн Байгууллагын санаачилгаар 1945 оноос эхлэн жил бүрийн 10 сарын 16-ны өдрийг “Дэлхийн хүнсний өдөр” болгон тэмдэглэсээр ирсэн уламжлалтай. Дэлхийн хүнсний өдрийг жил бүр тодорхой уриан дор тэмдэглэдэг бөгөөд энэ жил “Хүний эрүүл мэнд хүнсний тогтолцооноос хамаарна” гэсэн уриан дор зохион байгуулав.

Энэ ажлын хүрээнд хүнс, шим тэжээл, эрүүл мэндийн чиглэлийн эрдэм шинжилгээ, судалгааны ажлын үр дүн, ач холбогдол, шинжлэх ухааны шинэлэг санааг нийтийн хүртээл болгох зорилгоор ШУТИС-ийн Хүнсний инженер, биотехнологийн сургуулиас НҮБ-ын Хүнс Хөдөө Аж Ахуйн Байгууллага, ҮХААЯам, Монголын хүнс, хөдөө аж ахуйн үндэсний ассоциацтай хамтран “Хүнсний тогтолцоо эрүүл бол хүн ард эрүүл” сэдэвт эрдэм шинжилгээний бага хурлыг 2013 оны 10 дугаар сарын 15-нд амжилттай зохион байгууллаа. Тус хуралд Монгол дахь НҮБ-ын Хүнс Хөдөө Аж Ахуйн Байгууллага, ҮХААЯам, ЭМЯ, Хүнсчдийн холбоо, Монголын хүнс, хөдөө аж ахуйн үндэсний ассоциаци, Хоол судлалын хүрээлэн, Технологийн дээд сургууль, УМХГ, Шастины нэрэмжит III эмнэлэг зэрэг нийт 10 гаруй байгууллагын 60 гаруй төлөөлөгчид оролцов.

Хуралд Нийгмийн эрүүл мэнд, шим тэжээл болон Хүнсний сүлжээн дэх технологийн асуудал гэсэн 2 хэсгээр нийт 12 илтгэл тавьж хэлэлцүүллээ. Илтгэлүүд нь манай орны хүн амын хоол хүнсний хангамж, хэрэглээ болон эрүүл мэнд, хүнсний систем, сүлжээний асуудлыг хамарсан байна.
Mongolian University of Science and Technology and Ural Federal University Discuss Renewing Their Cooperation Agreement and Expanding Academic Collaboration
Mongolian University of Science and Technology and the Turkish Cooperation and Coordination Agency Discuss Cooperation in STEM Education and Innovation
Rector of National Research University "Moscow Power Engineering Institute" N.D. Rogalev Receives the "Excellence in Education Award of Mongolia"
The 5th International Workshop on Learner-Centered Learning (LCL 2026) Held at MUST
Professors from Poland’s University of Information Technology and Management Visit MUST under the GreenTech Horizons Erasmus+ Project