Монгол Улсад 2026 оны 8 дугаар сарын 17-ноос 28-ны өдрүүдэд зохион байгуулагдаж буй НҮБ-ын Цөлжилттэй тэмцэх конвенцын Талуудын 17 дугаар бага хуралд (UNCCD COP17) ШУТИС-ийн харьяа Хөнгөн үйлдвэрийн судалгаа, хөгжлийн хүрээлэн идэвхтэй оролцож байна.

Дэлхийн 197 улсын төлөөлөгчид газрын доройтлыг бууруулах, нөхөн сэргээх зорилгоор цугласан энэхүү чуулганд тус хүрээлэн нь НҮБ-ын Аж үйлдвэрийн хөгжлийн байгууллага (UNIDO)-ын хамтрагчаар оролцож байгаа юм.

Хүрээлэнгийн судлаачид COP17-ийн салбар хуралдаанд оролцож Blue Zone Delegation Pavilion S-03-д UNIDO-гийн захиалгаар хэрэгжүүлсэн төслүүдийн үр дүнг ялангуяа “Хонины ноосон бүтээгдэхүүний нэмүү өртгийн сүлжээг сайжруулах” үйлдвэрлэл-туршилт, судалгааны ажлын үр дүнг олон улсын бодлого боловсруулагчид, судлаач эрдэмтэд болон олон нийтэд танилцуулж байна.