ШУТИС-ийн Номын санч-Мэдээллийн ажилтнууд дунд уламжлал болгон зохион явагддаг нэгдсэн сургалт, ажил мэргэжлийн уралдаан 2020 оны 01 дүгээр сарын 21-ний өдөр амжилттай болж өнгөрлөө. Уг арга хэмжээний нээлтэнд ШУТИС-ийн Сургалт, оюутны асуудал эрхэлсэн дэд захирал Х.Энхжаргал, ШУТТНС-ийн захирал Ч.Гулнар, МУ-ын гавьяат эмч, профессор (Sh.D) К.Анаргүл, Шинжлэх ухаан, технологийн номын сан /ШУТТНС, БуХС, МХТС, МехТС, ДаТС, ЭрТС/-ийн Номын санч-Мэдээллийн ажилтнууд болон үйл ажиллагааг дэмжин "Волвес" ХХК оролцлоо. 

Сургалтанд “ШУТИС-ийн номын сангийн өнөөгийн байдал, цаашын зорилт” сэдвээр ШУТТНС-ийн захирал Ч.Гулнар, “Ажлын байрны стресс” сэдвээр МУ-ын гавьяат эмч, профессор (Sh.D) К.Анаргүл, “Олон улсын чанарын менежментийн тогтолцоо ба арга хэрэгсэл” сэдвээр мэргэжилтэн Э.Энхтүвшин нар илтгэл хэлэлцүүллээ.

Ажил мэргэжлийн уралдаанд 4 төрлөөр, 7 баг ур чадвараараа өрсөлдөн 1-р байрыг Б.Золзаяа ахлагчтай “Өрсөлдөөд яах вэ суралцацгаая”  баг, 2- байрыг Э.Нарантуяа ахлагчтай “Эрдэм” баг эзэллээ.

Хөтөлбөрийн дагуу МУИС-ийн номын сангийн орчин, үйл ажиллагаатай танилцаж харилцан туршлага солилцлоо.

Шинжлэх ухаан, технологийн номын сан