Олон улсын атомын энергийн агентлагаас Цөмийн энергийн газрын шугамаар хэрэгжүүлж байгаа RAS/8/110 дугаартай Ази номхон далайн бүсийн төсөл Монгол улсад хэрхэн хэрэгжиж буй байдалтай биечлэн танилцахаар тус агентлагийн зөвлөх мэргэжилтэн Гуршаран Сингх 2011 оны 11 сарын 7-12 өдрүүдэд Улаанбаатарт ирж ажиллан C3-RAS/8/110 05 01: ”Монгол улсын шинжлэх ухаан технологийн их сургуулийн Үл эвдэх сорилын төвийг бэхжүүлэх” нэртэй төсөл хэрэгжүүлэв. Энэхүү айлчлалын үеэр радиографи болон цөмийн цацрагийн бусад аргуудын үйлдвэрийн хэрэглээний өнөөгийн байдалтай танилцах, ШУТИС дээр семинар зохион байгуулж цөмийн цацрагийн аж үйлдвэрийн хэрэглээгээр Энэтхэг улсын жишээн дээр лекц унших, манай улсын мэргэшсэн радиографийн 5 инженерээс 3-р түвшний шалгалт авах ажлуудыг эксперт Г.Сингх RAS/8/110 төслийн үндэсний зохицуулагч бөгөөд ҮЭС-ын төвийн захирал Б.Түмэндэмбэрэлтэй хамтран амжилттай зохион байгууллаа.  Г.Сингх нь БНЭУ-ын Мумбай хотын дахь Атомын энергийн судалгааны хүрээлэнд ажилладаг учраас манай улстай Цөмийн энергийг энх тайвны зорилгоор ашиглах салбарт, тухайлбал үйлдвэрийн гамма радиографийг манайд улсад хөгжүүлэхэд тусламж үзүүлэхэд бэлэн байгаагаа илэрхийлсэн байна.