“Хэрэглээний хэл шинжлэл ба инновацийн асуудлууд ” сэдэвт  эрдэм шинжилгээний олон улсын бага хурал, “Концепт<национальное> в глобализирующемся мире и интеграционные возможности языка, литературы, культуры” сэдэвт дугуй ширээний ярилцлагыг  Хэлний боловсролын сургуулийн   20 жилийн  ойг угтсан арга хэмжээний хүрээнд ОХУ-ын Буриадын их сургуулийн профессор багш нартай хамтран  зохион байгууллаа. 

2011  оны 4 дүгээр сарын  27–ны өдөр ОХУ-ын Буриадын их сургуулийн эрдэмтэн багш нартай хамтран зохион байгуулсан  дугуй ширээний ярилцлагад  Буриадын их сургуулийн Хэл зохиолын салбарын декан, профессор В.В. Башкеевагийн /Sc.D/ “Даяаршиж  буй ертөнц дэх орос орон”,   Орос хэлний тэнхимиийн эрхлэгч, профессор Е.А. Бардамовагийн /Ph.D/“ Мэргэжлийн толь , нэр томьёоны оноолт”,  Гадаадын уран зохиолын тэнхмийн эрхлэгч, профессор  И.С.  Болдоновагийн /Sc.D/ “Евразийн бүс нутаг дахь соёл хоорондын харилцааны  асуудлууд”,  ХБС-ийн  Англи хэл  судлалын  профессор С.Дугармаа /Ph.D/,  ахлах багш , докторант Ж. Ганцэцэг нарын “Сүү цагаан идээтэй  холбоотой үг хэллэгийн орчуулга”,   монгол судлалын профессор Г.Томтогтохын /Ph.D/   “Хэлний судалгааны шинэ хандлага, үндэсний онцлог үгийн  тухайд”зэрэг   илтгэл сонсож хэлэлцлээ.
Мөн 4 дүгээр сарын 28 –ны өдөр  “Хэрэглээний хэл шинжлэл  ба инновацийн асуудлууд“  сэдэвт  ХБС-ийн профессор багш, докторант нарын  ЭШ-ний олон улсын бага хурлыг зохион байгууллаа.  Энэхүү  хуралд   Буриадын их сургуулийн профессор  багш нараас гадна   ОХУ-ын  ШУА-ийн  Сибирийн салбарын Монгол, түвд, будда судлалын хүрээлэнгийн эрдэмтэн нарийн бичгийн дарга, профессор Г.А. Дырхеева /Sc.D/ оролцож   “ Компьютер хэл шинжлэл буриад судлалд”  сэдэвтэй онол практикийн чухал ач холбогдолтой илтгэл тавив. Түүнчлэн   Colin Large, Ц.Одончимэг нарын  “Teaching Pronunciation of English using CALL”,    ШУА-ийн эрдэм шинжилгээний ажилтан О.Шинэбаярын/Ph.D/    “Нэр томьёон дахь "бус" vгvйсгэлийн тухай” , Буриадын ИС-ийн профессор  Егодурова В.М. (Ph.D)  “Отражение внутренней жизни человека в языке”, Д.Туулын (Ph.D)  Шинжлэх ухааны зохиолын хэл найруулгын онцлог, орчуулгын зарим асуудал”      зэрэг  олон илтгэл сонсож хэлэлцлээ.  Хурлын үйл ажиллагаа  хоёр өдөр үргэлжилж амжилттай өндөрлөв.