Өвөрхангайн Технологийн сургуулийн  хэвлэл мэдээлэл, олон нийттэй харилцах асуудал хариуцсан ажилтан А.Юндэнбат 12-р сарын 12-нд ШУТИС-ийн Соёл үйлчилгээний клубт "Ижил нь үгүй хангай" хэмээх уран бүтээлийнхээ цэнгүүнийг хийлээ.Тэрээр авьяаслаг багш, оюутнуудтайгаа хамтран бэлтгэсэн тоглолтоор ШУТИС-ийн  багш, оюутнуудын алжаалыг тайлж, нэгэн үдэш дуу хууранд умбуулсны зэрэгцээ шаггүй яруу найрагч, ая зохиогч, дуучин гэдгээ харуулсан юм. Мөн "Бүс нутгийн хөгжил" сониныхоо Бакалаврын боловсролтой мэргэжилтэн бэлтгэж эхэлсний 10 жилийн ойд зориулсан баярын дугаараа авч ирж сонирхууллаа. Өөрийн эрхэлсэн ажилдаа амжилт гаргахын зэрэгцээ авьяас билгээ хөгжүүлэн уран бүтээлийнхээ цэнгүүнийг хийж байгааг нь тохиолдуулан А.Юндэнбатыг  "Ректорын нэрэмжит шагнал"-аар шагнасан юм.